3,5 metr bıiktiktegi qola músindi Lenınniń satylatyndyǵy týraly habarlama OLX saıtynda paıda boldy, - dep habarlaıdy "Adyrna" ulttyq portaly, Petropavlovsk.news saıtyna silteme jasap.
Petropavl qalasynda satylymǵa shyqqan qola músinniń ıesi, eskertkishtiń salmaǵy 1400 keli ekenin habarlaıdy. Gazet atap ótkendeı, ıesi mundaı qundy eksponatty qaıdan alǵanyn aıtýdan bas tartty. Tek eskertkishti qola metaldyń synyqtary retinde emes, tarıhı eskertkish retinde satatynyn aıtty. Lenınniń baǵasy 1 600 000 teńge kóleminde kórsetilgen, biraq habarlandyrý mátininde soma rýblmen jazylǵandyqtan ulttyq valıýtaǵa aýdarǵanda bul shamamen 9 mıllıon teńgeni quraıdy.
Eskertkishti anyqtap qarar bolsaq, «KSRO Kórkemóner qory, Mytıı kórkem quıý zaýyty» degen belgi qoıylǵan.
Basylymda kórsetilgendeı, eger eskertkish taza qoladan jasalǵan bolsa, onda onyń tústi synyqtar naryǵyndaǵy quny, salmaǵy 1400 kılogrammǵa eki mıllıon teńgeni quraıdy.
"Adyrna" ulttyq portaly
