الماتى اكىمى جەر سىلكىنىسى تۋرالى حابارلاۋدىڭ جاڭا جۇيەسىنە قانشا قاراجات بولىنگەنىن ايتتى، دەپ حابارلايدى "ادىرنا" ءتىلشىسى.
ەربولات دوساەۆ ۇكىمەت وتىرىسىندا مالىمدەدى.
"مەملەكەت باسشىسىنىڭ 2024 جىلعى 25 قاڭتارداعى تاپسىرماسى اياسىندا، الماتى اكىمدىگى ءموبيلدى قۇرىلعىلار ارقىلى حالىقتى شۇعىل جاپپاي قۇلاقتاندىرۋ جۇيەسىن تىعىز رەجيمدە ءتسدياوم، تجم-مەن بىرلەسىپ قالا تۇرعىندارىن تج تۋرالى جەدەل حاباردار ەتۋ ماقساتىندا 2024 جىلعى مامىردىڭ اياعىنا دەيىن Cell Broadcast تەحنولوگياسىن پايدالانا وتىرىپ، Mass Alert قاعيداتى بويىنشا حالىقتى جەدەل قۇلاقتاندىرۋ جۇيەسىن ەنگىزۋدى جوسپارلانىپ وتىر، وعان 475 ميلليون تەڭگە ءبولىندى", - دەدى الماتى اكىمى ەربولات دوساەۆ ۇكىمەت وتىرىسىندا.
اكىمنىڭ ايتۋىنشا، Cell Broadcast SMS-تەحنولوگياسى بازالىق ستانتسيا انتەننالارىنىڭ قامتۋ ايماعىندا ورنالاسقان بارلىق ابونەنتتەر ءۇشىن جەدەل جانە جاپپاي تاراتۋعا، حابارلاندىرۋلاردىڭ ۋاقىتى مەن جيىلىگىنە مۇمكىندىك بەرەدى ەكەن.
