قىتاي قورعانىس مينيسترلىگى 65 جاستاعى گەنەرال لي شانفۋ بولدى. ول ءبىراۋىزدان قابىلدانعان شەشىممەن تاڭدالدى جانە زەينەتكەرلىككە شىققان ۆەي فەنحەنىڭ ورنىنا كەلدى، دەپ حابارلايدى “ادىرنا” ۇلتتىق پورتالى.
2018 جىلى لي قىتايعا رەسەيدىڭ «روسوبورونەكسپورت» كومپانياسىنان سۋ-35 اسكەري ۇشاقتارى مەن S-400 زەنيتتىك-زىمىراندىق كەشەندەرىن ساتىپ الۋ كەلىسىمىنە قاتىسقانى ءۇشىن اقش-تىڭ سانكتسيالار تىزىمىنە ەنگەن بولاتىن. ول كەزدە قىتايدىڭ قورعانىس تەحنولوگياسىنا جاۋاپتى جوعارى اسكەري كوميسسيانىڭ تەحنيكا ازىرلەۋ ءبولىمىنىڭ ديرەكتورى قىزمەتىن اتقاردى.
اقش مەملەكەتتىك دەپارتامەنتىنىڭ حابارلاۋىنشا، سانكتسيالار «رەسەيدىڭ امەريكا قۇراما شتاتتارىنىڭ سايلاۋ پروتسەسىنە ارالاسۋىنا، ۋكراينانىڭ شىعىسىنداعى قابىلدانبايتىن ارەكەتىنە جانە باسقا دا زياندى ارەكەتتەرىنە جاۋاپ رەتىندە زاڭ شىعارۋ ءۇشىن» ەنگىزىلگەن. ليگە سالىنعان سانكتسيالاردىڭ ىشىندە اقش يۋريسديكتسياسىنداعى ۆاليۋتالىق وپەراتسيالارعا تىيىم سالۋ، ەلدىڭ قارجى جۇيەسىمەن ترانزاكتسيالارعا تىيىم سالۋ جانە ونىڭ اقش-تاعى بارلىق مۇلكىن بلوكتاۋ كىرەدى. سونداي-اق ول امەريكاندىق ۆيزا الا المايدى.
بۇعان دەيىن لي سيچان جەرسەرىگىن ۇشىرۋ ورتالىعىندا قىتايدىڭ العاشقى اي زوندىسىن ۇشىرۋدى دا باسقاردى. ونىڭ قىزمەتىندە قحر ءوزىنىڭ العاشقى سپۋتنيككە قارسى زىمىرانىن ۇشىردى.
Bloomberg اتاپ وتكەندەي، ءليدىڭ قورعانىس ءمينيسترى بولىپ تاعايىندالۋى بەيجىڭنىڭ اەروعارىشتىق تەحنولوگيالارعا قىزىعۋشىلىعىنىڭ ارتىپ كەلە جاتقانىن كورسەتەدى.
