بايقوڭىر عارىش ايلاعىنان 38 سپۋتنيك ۇشىرىلدى

2834
Adyrna.kz Telegram

بايقوڭىر عارىش ايلاعىنان نۇر-سۇلتان ۋاقىتى بويىنشا 12 ساعات 07 مينۋتتا 38 عارىش اپپاراتىن وربيتاعا شىعاراتىن «فرەگات» ۇدەتكىش بلوگى بار «سويۋز-2.1 ا» زىمىران-تاسىعىشى ۇشىرىلدى، دەپ حابارلايدى قازاقپارات.

بۇعان دەيىن حابارلانعانىن-داي، تەحنيكالىق اقاۋلارعا بايلانىستى ۇشىرۋ 2021 جىلدىڭ 20 ناۋرىزىنان كەيىنگە قالدىرىلعان. ۇشىرۋ شتاتتىق رەجيمدە ءوتتى، بايقوڭىردان بەرىلگەن ترانسلياتسيا روسكوسموس سايتىندا تىكەلەي ەفيردە جۇرگىزىلدى. بۇگىن بايقوڭىردا جاڭبىر جاۋىپ تۇر، اۋا تەمپەراتۋراسى +3 گرادۋس، بۇلتتىلىق تومەن، سوندىقتان كورەرمەندەر زىمىراننىڭ ۇشۋىن بىرنەشە سەكۋند تاماشالاي الادى.

تىكەلەي رەپورتاج جۇرگىزۋشىلەرىنىڭ اقپاراتى بويىنشا، زىمىران-تاسىعىشتىڭ بارلىق ءۇش ساتىسىنىڭ بولىمشەلەرى جوسپارلى رەجيمدە ءوتتى، باستالعاننان كەيىن 10 مينۋتتا عارىش اپپاراتتارىنىڭ كلاستەرى بار «فرەگات» ەكپىندى بلوگى تىرەك وربيتاسىنا شىعارىلدى. سپۋتنيكتەردى بەرىلگەن وربيتالارعا ودان ءارى شىعارۋ ۇدەتۋ بلوگىن قوسۋ ەسەبىنەن جۇزەگە اسىرىلادى.

اتاپ ايتقاندا، نەگىزگى جۇكتەمەنى – وڭتۇستىك كورەيالىق CAS500-1 اپپاراتىن ماقساتتى وربيتاعا شىعارۋ ءۇشىن «فرەگاتقا» ءبىر ساعاتتان استام ۋاقىت كەتەدى. نۇر-سۇلتان ۋاقىتى بويىنشا شامامەن 14:35-تەن 14:37-گە دەيىن جولشىباي پايدالى جۇكتەمە سپۋتنيكتەرىنىڭ ءبىرىنشى پارتياسىنىڭ، 16:13-تەن 16: 43-كە دەيىن ەكىنشىسىنىڭ ءبولىنۋى كۇتىلۋدە.

«سويۋز-2.1 ا» زىمىرانىمەن CAS500-1 (كورەيا رەسپۋبليكاسى) جەردى قاشىقتىقتان زوندتاۋ عارىش اپپاراتى، ELSA-d عارىش قوقىسىن جويۋعا ارنالعان جاپونيالىق اپپارات، Grus جەردى قاشىقتىقتان زوندتاۋعا ارنالعان جاپونيالىق سپۋتنيكتەر، جەردىڭ سۋرەتتەرىن الۋعا جانە بايلانىستى قامتاماسىز ەتۋگە ارنالعان ساۋد ارابياسىنىڭ NAJM-1 شاعىن اپپاراتى، بەرلين تەحنيكالىق ۋنيۆەرسيتەتىنىڭ بايلانىس سپۋتنيكتەرى وربيتاعا شىعارىلدى.

پىكىرلەر