Baıqońyr ǵarysh aılaǵynan Nur-Sultan ýaqyty boıynsha 12 saǵat 07 mınýtta 38 ǵarysh apparatyn orbıtaǵa shyǵaratyn «Fregat» údetkish blogy bar «Soıýz-2.1 a» zymyran-tasyǵyshy ushyryldy, dep habarlaıdy QazAqparat.
Buǵan deıin habarlanǵanyn-daı, tehnıkalyq aqaýlarǵa baılanysty ushyrý 2021 jyldyń 20 naýryzynan keıinge qaldyrylǵan. Ushyrý shtattyq rejımde ótti, Baıqońyrdan berilgen translıaııa Roskosmos saıtynda tikeleı efırde júrgizildi. Búgin Baıqońyrda jańbyr jaýyp tur, aýa temperatýrasy +3 gradýs, bulttylyq tómen, sondyqtan kórermender zymyrannyń ushýyn birneshe sekýnd tamashalaı alady.
Tikeleı reportaj júrgizýshileriniń aqparaty boıynsha, zymyran-tasyǵyshtyń barlyq úsh satysynyń bólimsheleri josparly rejımde ótti, bastalǵannan keıin 10 mınýtta ǵarysh apparattarynyń klasteri bar «Fregat» ekpindi blogy tirek orbıtasyna shyǵaryldy. Spýtnıkterdi berilgen orbıtalarǵa odan ári shyǵarý údetý blogyn qosý esebinen júzege asyrylady.
Atap aıtqanda, negizgi júktemeni – ońtústik koreıalyq CAS500-1 apparatyn maqsatty orbıtaǵa shyǵarý úshin «Fregatqa» bir saǵattan astam ýaqyt ketedi. Nur-Sultan ýaqyty boıynsha shamamen 14:35-ten 14:37-ge deıin jolshybaı paıdaly júkteme spýtnıkteriniń birinshi partııasynyń, 16:13-ten 16: 43-ke deıin ekinshisiniń bólinýi kútilýde.
«Soıýz-2.1 a» zymyranymen CAS500-1 (Koreıa Respýblıkasy) Jerdi qashyqtyqtan zondtaý ǵarysh apparaty, ELSA-d ǵarysh qoqysyn joıýǵa arnalǵan japonııalyq apparat, Grus Jerdi qashyqtyqtan zondtaýǵa arnalǵan japonııalyq spýtnıkter, Jerdiń sýretterin alýǵa jáne baılanysty qamtamasyz etýge arnalǵan Saýd Arabııasynyń NAJM-1 shaǵyn apparaty, Berlın tehnıkalyq ýnıversıtetiniń baılanys spýtnıkteri orbıtaǵa shyǵaryldy.
