قوستاناي وبلىسىنىڭ رۋدنىي قالاسىندا «باۋرساك party» اكتسياسى ءوتتى. جالپى رەسپۋبليكا بويىنشا قولعا الىنعان باستامانىڭ ماقساتى – تۇرعىندارعا ۇلتتىق تاعامداردى تاراتۋ.
قايىرىمدىلىق اكتسياسى رۋدنىي قالاسىنىڭ بىرنەشە شاعىن اۋدانىندا ۇيىمداستىرىلدى. قالالىق مەشىت پەن «راۋمەن» كومپانياسى مۇرىندىق بولعان اكتسياعا جۇزدەگەن قالا تۇرعىنى قاتىستى.
«رۋدنىي قالاسىنىڭ تۇرعىندارى مەن قوناقتارىنا ۇلتتىق تاعامدار مەن تاتتىلەر ۇسىنىلدى. قازىر جاپپاي قوعامدىق ءىس-شارالارعا تىيىم سالىنعانى بەلگىلى. سول سەبەپتى اكتسيا 4 جەردە وتكىزىلدى. قالا اكىمدىگى مەن مادەنيەت ءبولىمىنىڭ قىزمەتكەرلەرى ارنايى ورىندار ءبولىپ، كونتسەرتتىك باعدارلامالار دا ۇيىمداستىردى. وسىلايشا، جىل سايىنعى داستۇرمەن ۇلىستىڭ ۇلى كۇنىن اتاپ وتتىك»، - دەيدى قالالىق مەشىتتىڭ باس يمامى بەكتۇرسىن ۋاليەۆ.
كۇن اياعىنا تامان «جادىرا» حالىق اسپاپتار ءانسامبلى مەن «الىە پارۋسا» حالىق شىعارماشىلىعى ورتالىعى ءان بايقاۋى مەن بي كەشىن وتكىزدى.
