بۇگىن قازاقتىڭ تۇتاس تەرريتورياسىن قورعاپ قالعان ۇلى ادامنىڭ تۋعان كۇنى!

4273
جۇمابەك تاشەنوۆتىڭ قازاق ءۇشىن جاساعان ەرلىگى مەن قايراتكەرلىگىن كەڭ ماسشتابتا دارىپتەمەۋ - بۇل ءبىزدىڭ ارۋاقتى ۇمىتقانىمىز.
ۇلىلار ۇمىتىلمايدى!
زامانىنىڭ زاڭعار ۇلى، كۇرەسكەر قايراتكەرى!
بۇگىن التى الاشتىڭ ارداقتى ۇلى، قازاقتىڭ ماڭدايىنا بىتكەن كورنەكتى مەملەكەت جانە قوعام قايراتكەرى جۇمابەك تاشەنوۆتىڭ تۋعان كۇنى. جۇمابەك اتامىز 1915 جىلى 20 ناۋرىزدا اقمولا وبلىسى، ارشالى اۋدانى، تاناگۇل اۋىلىندا دۇنيەگە كەلگەن.
 
وسى ۇلى تۇلعانىڭ قازاقتىڭ ۇلان-بايتاق جەرىن ساقتاپ قالعان ەرلىگى قازاق تاريحىندا عاسىرلاردا قايتالانا بەرمەيتىن قايسارلىق پەن مىقتىلىق ەدى. حريۋششەۆپەن تارتىسىپ، العان بەتىنەن قايتپاي، قازاق ەلىنىڭ تۇتاستىعى ءۇشىن باسىن دا، قىزمەتىن دە بايگەگە تىككە ۇلى تۇلعاعا مىڭ تاعزىم! كەزىندە ماڭعىستاۋدى تۇركىمەنستانعا، بوستاندىقتى وزبەكستانعا، تىڭ يگەرىلەتىن تۇتاس اۋماقتى رەسەيگە قوسىپ جىبەرمەك بولعاندا، قازاق جەرى ءۇشىن جان ارپالىسقا تۇسكەن تۇلعا وسى جۇمابەك اتامىز بولدى. وكىنىشكە وراي جۇمابەك اتامىزدىڭ اتى مەن ەرلىگى لايىقتى دارىپتەلمەي، جاس بۋىنعا ونىڭ ەرلىگى مەن قايراتكەرلىگى جايىندا تولىق ايتىلماي كەلەدى. بۇل ءبىزدىڭ قاتەلىگىمىز، بۇلاي جاساۋ ءبىزدىڭ پارىزىمىز ەدى! تاشەنوۆتىڭ قازاق ءۇشىن جاساعان ەرلىگى مەن قايراتكەرلىگىن كەڭ ماسشتابتا دارىپتەمەۋ - ءبىزدىڭ ارۋاقتى دا ۇمىتقانىمىز.
بۇل ادام تۇتاس جانى قازاق، قانى قازاق ازاماتتاردىڭ بارلىعى ءۇشىن يدەولوگيالىق تاريحي تۇلعا بولا الادى. قازاق تاريحىندا ەلى ءۇشىن باسىن بايگەگە تىككەن، رۋحى مەن ساعى سىنباي كۇرەسكەن جۇمابەك اتامىزدىڭ جۇرگەن جولى ءبىزدىڭ جاستارعا كۇرەسكەرلىك رۋح پەن جىگەر بەرەدى.
باتىر مەن قايراتكەر الماعايىپ، الاساپىران كەزدە عانا مايداندا كورىنەدى. ءوز زامانىنىڭ مايتالمانى، ءوز زاماناسىنىڭ مايدانىندا توبە كورسەتكەن ۇلى تۇلعاعا مىڭ تاعزىم!
بەكبولات قارجان،
"ادىرنا" ۇلتتىق پورتالى
پىكىرلەر
رەداكتسيا تاڭداۋى