قازاقستان ۇلتتىق بانكى قۇرامداس بولىگىندە التىن كومپونەنتى بار كۇمىستەن جاسالعان نومينالى 1000 تەڭگەلىك «ەستە قالاتىن وقيعالار مەن ءبىرتۋار ادامدار» سەرياسىنان «QAZAQSTANNYŃ ASTANASY – NUR-SULTAN» كوللەكتسيالىق مونەتالارىن شىعارادى، دەپ حابارلايدى «ادىرنا» ءتىلشىسى.
مونەتالار ساتىلىمعا شىعاتىن كۇنگە قاتىستى اقپارات ۇلتتىق بانكتىڭ رەسمي سايتىندا قوسىمشا جاريالانادى.
«نومينالى 1 000 تەڭگەلىك، جالپى ماسساسى 62,2 گرامم، 925/1000 سىنامالى كۇمىستەن، ماسساسى 46,2 گرامم، قۇرامداس بولىگى 999/1000 سىنامالى التىننان، ماسساسى 16 گرامم، «proof» دايىنداۋ ساپاسىمەن، ديامەترى 50 مم مونەتالار 1 000 دانا تارالىممەن دايىندالعان»،-دەلىنگەن حابارلامادا.
مونەتالار تولەمنىڭ بارلىق ءتۇرى بويىنشا قازاقستان رەسپۋبليكاسىنىڭ بۇكىل اۋماعىندا قابىلدانۋعا، سونداي-اق قازاقستان رەسپۋبليكاسىنىڭ بارلىق بانكىندە بانك شوتتارىنا ەسەپكە الىنۋعا، اۋدارىلۋعا، ۇساقتالۋعا جانە ايىرباستالۋعا مىندەتتى.
مونەتالار كادەسىي ورامىندا شىعارىلادى جانە مەملەكەتتىك تىلدە، ورىس، اعىلشىن تىلدەرىندە قازاقستان ۇلتتىق بانكىنىڭ نومىرلىك ساپا سەرتيفيكاتىمەن جابدىقتالعان.
كوللەكتسيالىق مونەتالار قازاقستان تەڭگە سارايىندا دايىندالدى.
«ادىرنا» ۇلتتىق پورتالى
