Qazaqstan Ulttyq Banki quramdas bóliginde altyn komponenti bar kúmisten jasalǵan nomınaly 1000 teńgelik «Este qalatyn oqıǵalar men birtýar adamdar» serııasynan «QAZAQSTANNYŃ ASTANASY – NUR-SULTAN» kollekııalyq monetalaryn shyǵarady, dep habarlaıdy «Adyrna» tilshisi.
Monetalar satylymǵa shyǵatyn kúnge qatysty aqparat Ulttyq Banktiń resmı saıtynda qosymsha jarııalanady.
«Nomınaly 1 000 teńgelik, jalpy massasy 62,2 gramm, 925/1000 synamaly kúmisten, massasy 46,2 gramm, quramdas bóligi 999/1000 synamaly altynnan, massasy 16 gramm, «proof» daıyndaý sapasymen, dıametri 50 mm monetalar 1 000 dana taralymmen daıyndalǵan»,-delingen habarlamada.
Monetalar tólemniń barlyq túri boıynsha Qazaqstan Respýblıkasynyń búkil aýmaǵynda qabyldanýǵa, sondaı-aq Qazaqstan Respýblıkasynyń barlyq bankinde bank shottaryna esepke alynýǵa, aýdarylýǵa, usaqtalýǵa jáne aıyrbastalýǵa mindetti.
Monetalar kádesyı oramynda shyǵarylady jáne memlekettik tilde, orys, aǵylshyn tilderinde Qazaqstan Ulttyq Bankiniń nómirlik sapa sertıfıkatymen jabdyqtalǵan.
Kollekııalyq monetalar Qazaqstan teńge saraıynda daıyndaldy.
«Adyrna» ulttyq portaly
