رەسەي باسشىسى ۆلاديمير پۋتين تاعى دا "سىيعا تارتىلعان جەر تاقىرىبىن" قوزعادى. 18-ناۋرىز كۇنى لۋجنيكي كەشەنىندە قىرىمدى تارتىپ العانىنا 7-جىل تولۋىنا بايلانىستى ۇلكەن كونتسەرت ۇيىمداستىرىلدى. كونتسەرتتە پۋتين تاعى دا وزگە ەلدەرگە قىر كورسەتە ءسوز سويلەدى.
"وتكەن عاسىردىڭ 20-جىلدارى بولشەۆيكتەر كەڭەس وداعىن قۇرۋ كەزىندە تۇسىنىكسىز سەبەپتەرمەن كوپتەگەن تەرريتوريالاردى ەندى قۇرىلعان كۆازيمەملەكەتتىك قۇرىلىمدارعا بەرە سالدى. ال كەيىن وزدەرى قۇلدىراپ، ءوز پارتيالارىن ىشىنەن قۇلاتىپ، كەڭەس وداعىن تاراتىپ تىنعان ساتتە، رەسەي اۋقىمدى تەرريتوريالارى مەن گەوساياسي كەڭىستىكتەرىنەن ايىرىلىپ قالدى", - دەدى پۋتين.
ء"بىز جاڭا گەوساياسي شىندىقتا ءومىر سۇرۋگە دايىنبىز. ونىڭ ۇستىنە ءبىز كورشىلەرىمىزدى تەك كورشى رەتىندە عانا ەمەس، ولاردى باۋىرلاس حالىق رەتىندە دە قاراستىرامىز. ءبىز ولارعا قول سوزىپ، ولاردىڭ دامۋىنا مۇمكىندىك جاساپ، العا جىلجۋىنا سەپتىگىمىزدى تيگىزۋگە دايىنبىز. ءبىزدىڭ باسەكەگە قابىلەتتى مۇمكىندىكتەرىمىزدى ۇسىنامىز. ال ونداي مۇمكىندىكتەر جەتكىلىكتى ", - دەدى ول.
ء"بىز ەشكىمگە دە ەش ۋاقىتتا رەسەي بەرگەن قيساپسىز سىيلىقتى پايدالانىپ، رەسەي فەدەراتسياسىنا زيان كەلتىرۋىنە جول بەرمەيمىز. مەنىڭ بۇل ءسوزىمدى ۇعاتىندار ۇقتى دەپ ويلايمىن", - دەدى رەسەي باسشىسى.
اسحات قاسەنعالي،
"ادىرنا" ۇلتتىق پورتالى
