قازاقستاندا مەملەكەتتىك قىزمەتكە قابىلداۋعا موراتوري ەنگىزۋ جوسپارلانىپ وتىر. ارنايى قاۋلىنىڭ جوباسى دايىن. بۇل تۋرالى مەملەكەتتىك قىزمەت ىستەرى اگەنتتىگىنىڭ دەپارتامەنت ديرەكتورى جارقىن تىلەۋكەنوۆ مالىمدەدى، دەپ حابارلايدى “ادىرنا” ۇلتتىق پورتالى Sputnik قازاقستان سايتىنا سىلتەمە جاساپ.
ء"يا، قازىرگى كەزدە ءتيىستى قاۋلىنىڭ جوباسى دايىن. وسى قۇجاتتىڭ اياسىندا 1 شىلدەگە دەيىن قىزمەتكە تۇرۋعا موراتوري ەنگىزۋ ماسەلەسى قارالىپ جاتىر", - دەدى تىلەۋكەنوۆ ورتالىق كوممۋنيكاتسيالار قىزمەتىندە وتكەن ونلاين بريفينگتە.
بۇدان بولەك، حالىقتان تۇسەتىن ارىز-شاعىمداردى قاراۋدىڭ بىرىڭعاي جۇيەسى ەنگىزىلەدى. ول ء"بىر تەرەزە" قاعيداتى نەگىزىندە جۇمىس ىستەيدى.
سونىڭ ارقاسىندا ادامدار مەملەكەتتىك ورگانداردىڭ تابالدىرىعىن توزدىرىپ جۇرمەيدى. بارلىق قۇجاتتى ءبىر جەرگە تاپسىرادى. سول جەردەن ونى ءتيىستى مەملەكەتتىك ورگاندارعا تاراتادى.
