الەمدەگى اتاقتى ۋنيۆەرسيتەتتەردىڭ كوشىن باستاپ تۇرعان ماسساچۋسەتس تەحنولوگيالىق ينستيتۋتى ەلوردالىق ەلدار ۋركۋمباەۆقا گرانت ۇسىندى، دەپ حابارلايدى «ادىرنا» ءتىلشىسى.
ەلدار – نۇر-سۇلتان قالاسىنداعى نازارباەۆ زياتكەرلىك مەكتەبىنىڭ وقۋشىسى.
- مەن حالىقارالىق باكالاۆريات باعدارلاماسىندا وقىپ جاتقاندىقتان، جوعارى وقۋ ورىندارىن تالداۋ بارىسىندا اقش ۋنيۆەرسيتەتتەرىنە باسىمدىلىق تانىتتىم. ماعان نەگىزىنەن اكادەميالىق ەركىندىك پەن پانارالىق زەرتتەۋ قاعيدالارىن ۇستانعان جوعارى وقۋ ورىندارى ۇنايدى. ال بۇل اقش-تا جاقسى دامىعان. وعان قوسا، MIT ۋنيۆەرسيتەتى اقش جانە الەمنىڭ ەڭ ۇزدىك تەحنيكالىق جوعارى وقۋ ورىندارىنىڭ ءبىرى. ءمىت قاۋىمداستىعىنىڭ 88 مۇشەسى نوبەل سىيلىعىنىڭ لاۋرەاتتارى بولىپ تابىلادى. ءمىت تۇلەكتەرى Google, Oracle, Amazon, McKinsey Accenture, Apple, Boeing ي Microsoft سىندى ۇلكەن كومپانيالاردا قىزمەت ەتەدى. بۇنداي ۇزدىك، بەدەلدى ۋنيۆەرسيتەتتەن شاقىرتۋ الۋ مەن ءۇشىن جانە مەنىڭ وتباسىم ءۇشىن زور قۇرمەت، - دەدى ول.
12-سىنىپ وقۋشىسى ءوز بولاشاعىن بيولوگيا پانىمەن بايلانىستىرىپ وتىر. جاس دارىن بيولوگيادان رەسپۋبليكالىق وليمپيادالارعا ءۇش جىل قاتىسىپ، NIS توبىنىڭ مۇشەسى رەتىندە ءبىر التىن جانە ەكى كۇمىس مەدالدارعا يە بولدى.
سونىمەن قاتار، ول 2018 جىلدان باستاپ مەكتەپتە وليمپيادالىق بيولوگيادان وقۋشىلارعا ساباق بەرەدى.
بولاشاقتا ەلدار بيولوگيانىڭ تار شەڭبەرلى ماماندىعى بويىنشا ماگيستراتۋراعا ءتۇسىپ، شەتەلدىك تاجىريبە جيناقتاۋدى جوسپارلاۋدا.
ايتا كەتەيىك، QS ۋنيۆەرسيتەتتەرىنىڭ الەمدىك رەيتينگىسى بويىنشا ماسساچۋسەتس تەحنولوگيالىق ينستيتۋتى رەكوردتىق كورسەتكىشىن جالعاستىرىپ كەلەدى. ءبىلىم ورداسى روبوتوتەحنيكا مەن جاساندى ينتەللەكت سەكتورلارى جانە اقپاراتتىق تەحنولوگيا، فيزيكا، حيميا جانە ماتەماتيكا سالالارىن وقىتۋ جۇيەلەرى بويىنشا ەڭ تاڭداۋلى بولىپ سانالادى. سونىمەن قاتار، ۋنيۆەرسيتەت مەنەدجمەنت، ەكونوميكا، لينگۆيستيكا، ساياسي عىلىمدار جانە فيلوسوفيا سالالارىن وقىتۋىمەن دە تانىمال.
«ادىرنا» ۇلتتىق پورتالى
