ءبىلىم جانە عىلىم ءمينيسترى اسحات ايماعامبەتوۆ قىركۇيەك ايىنان باستاپ جوو وقىتۋشىلارىنىڭ جالاقىسى وسەتىنىن مالىمدەدى، دەپ حابارلايدى «ادىرنا» ءتىلشىسى.
«2021 جىلدىڭ قىركۇيەگىنەن باستاپ بعم-گە ۆەدومستۆولىق باعىنىشتى جوعارى وقۋ ورنىندا شتاتتاعى وقىتۋشى ايىنا كەم دەگەندە 200 مىڭ تەڭگە، اعا وقىتۋشى – 230 مىڭ تەڭگە، قاۋىمداستىرىلعان پروفەسسور – 260 مىڭ تەڭگە; پروفەسسور 350 مىڭ تەڭگە (ۇلتتىق جوعارى وقۋ ورىندارىندا – 400 مىڭ تەڭگە) الادى.
بۇل جالاقىنىڭ ەڭ تومەنگى مولشەرى بولۋى ءتيىس. سونداي-اق ءار جوعارى وقۋ ورنى وقىتۋشىلاردىڭ بەلگىلى ءبىر جەتىستىكتەرى ءۇشىن باسقا دا ىنتالاندىرۋ تولەمدەرىن بەلگىلەپ، تولەي الادى»،-دەدى مينيستر.
«ادىرنا» ۇلتتىق پورتالى
