شىعىس قازاقستان وبلىسىنىڭ گلۋبوكوە اۋدانىندا 15 ناۋرىز كۇنى ەكى بالا گازدان ۋلانىپ قالدى، دەپ حابارلايدى شقو توتەنشە جاعدايلار دەپارتامەنتىنىڭ ءباسپاسوز قىزمەتى.
سەكيسوۆكا اۋىلىندا تۇراتىن 2006 جىلى تۋعان ءجاسوسپىرىم مەن 2013 جىلى تۋعان ونىڭ اپكەسى انا مەن بالا ورتالىعىنا تۇسكەن.
زارداپ شەككەندەردىڭ اناسى تاڭەرتەڭ پەشتى جاعىپ، جۇمىسقا كەتكەن.
بالالارمەن بىرگە ۇيدە اجەسى قالعان. تۇسكى استان كەيىن بالالار اۋىرىپ تۇرعاندارىن ايتىپ، اناسىنا حابارلاسقان.
اناسى دەرەۋ جەدەل جاردەم شاقىرىپ، بالالار اۋرۋحاناعا ورتاشا اۋىر جاعدايدا جاتقىزىلدى. اجەسى گازدان ۋلانعان جوق.
شقو تجد ءورت ءسوندىرۋ زەرتتەۋ سىناق زەرتحاناسىنىڭ قىزمەتكەرلەرى پاتەردەگى جىلىتۋ پەشىنىڭ اس ۇيدە ورنالاسقانىن انىقتادى. بالالار پەشتىڭ جارامسىزدىعىنان جانە ونىڭ ءتۇتىندى دۇرىس تارتپاۋىنان ۋلانىپ قالدى.
ماماندار ارنايى قۇرالدىڭ كومەگىمەن ۇيدەگى كومىرتەگى توتىعىنىڭ مولشەرىن ولشەدى. قايعىلى جاعدايدىڭ الدىن الۋ ءۇشىن گلۋبوكوە اۋدانىنىڭ تجب ماماندارى تەك جارامدى پەش جابدىقتارىن پايدالانىپ، پەشتىڭ قۇرىلىسىنداعى جارىقتاردى ۋاقىتىندا جوندەۋدى، مۇرجانى ۋاقتىلى تازالاپ تۇرۋدى ەسكەرتتى.
«توتەنشە جاعدايلار تۋىنداعان جاعدايدا «101» جانە «112» نومىرلەرىنە قوڭىراۋ شالىڭىز»، – دەلىنگەن حابارلامادا.
