تۇركىستان وبلىسىندا ەكى كۇن بۇرىن جوعالىپ كەتكەن اششىساي اۋىلىنىڭ تۇرعىنى تابىلدى، دەپ حابارلايدى توتەنشە جاعدايلار مينيسترلىگىنىڭ ءباسپاسوز قىزمەتى.
"تۇركىستان وبلىسى تجد كەزەكشى-ديسپەتچەرلىك قىزمەتىنىڭ پۋلتىنە 16 ناۋرىز كۇنى ساعات 14.00-دە حابار ءتۇستى. 1980 جىلى تۋعان ەر ادامنىڭ ەكى كۇن بۇرىن مال ىزدەپ شىعىپ، قايتا ورالماعانى بەلگىلى بولدى", - دەدى مينيسترلىكتىڭ رەسمي وكىلى تالعات ءۋالي.
ىزدەستىرۋ-قۇتقارۋ جۇمىستارىنا تۇركىستان وبلىسى توتەنشە جاعدايلار دەپارتامەنتىنىڭ 11 قىزمەتكەر مەن 1 تەحنيكاسى، 1 پوليتسەي مەن جوعالعان ادامنىڭ ءۇش تۋىسى جۇمىلدىرىلدى.
16 ناۋرىزدا ساعات 15.10-دا قۇتقارۋشىلار ەر ادامدى جوعالىپ كەتكەن اۋماقتان ەكى شاقىرىم جەردە كوككوز اۋىلىنان تاۋىپ الدى. ول تەرەڭدىگى 3 مەتر قۇدىققا ءتۇسىپ كەتىپ، وزدىگىنەن شىعا الماعان ەكەن.
