Túrkistan oblysynda eki kún buryn joǵalyp ketken Aysaı aýylynyń turǵyny tabyldy, dep habarlaıdy tótenshe jaǵdaılar mınıstrliginiń baspasóz qyzmeti.
"Túrkistan oblysy TJD kezekshi-dıspetcherlik qyzmetiniń pýltine 16 naýryz kúni saǵat 14.00-de habar tústi. 1980 jyly týǵan er adamnyń eki kún buryn mal izdep shyǵyp, qaıta oralmaǵany belgili boldy", - dedi mınıstrliktiń resmı ókili Talǵat Ýálı.
Izdestirý-qutqarý jumystaryna Túrkistan oblysy tótenshe jaǵdaılar departamentiniń 11 qyzmetker men 1 tehnıkasy, 1 polıeı men joǵalǵan adamnyń úsh týysy jumyldyryldy.
16 naýryzda saǵat 15.10-da qutqarýshylar er adamdy joǵalyp ketken aýmaqtan eki shaqyrym jerde Kókkóz aýylynan taýyp aldy. Ol tereńdigi 3 metr qudyqqa túsip ketip, ózdiginen shyǵa almaǵan eken.
