30 جىلدا "عالىمدارعا جاعداي جاسالسىن!" دەپ ءبىر دە ءبىر ادام كوشەگە شىقپاعان

4695
Adyrna.kz Telegram
قازاق قوعامىنىڭ جاڭعىرۋى ەكىتالاي. نەشە كۇننەن بەرى جۇرت قىزداردىڭ مارشىندەگى پلاكاتتاردى تالقىلاپ الەك بولىپ ءجۇر.
تاۋەلسىز قازاقستاننىڭ 30 جىلدىق تاريحىندا "عالىمدارعا جاعداي جاسالسىن!", "عالىمداردىڭ قۇقىقتارى اياققا تاپتالماسىن!", "عىلىمداعى جەمقورلىق توقتاتىلسىن!", "عىلىمداعى الاياقتار جاۋاپقا تارتىلسىن!", "عىلىم ەل مەن ۇلتتىڭ بولاشاعى!", "عىلىمسىز ءبىلىم جوق، ءبىلىمسىز بولاشاق جوق!", "قازاق كوزى اشىق، ساۋاتتى ۇلتقا اينالسىن!", "قازاقتىڭ عىلىمي ءتىلى وركەندەسىن!", "قازاقتانۋ عىلىمدارىن قورلاۋعا جول بەرىلمەسىن!", "عالىمدار مەن ولاردىڭ زەرتتەۋلەرى بيۋروكراتيادان ازات ەتىلسىن!", ء"ار ناعىز قازاق عالىمى جالعىزىم!" دەگەن بىردە-ءبىر پلاكات كورمەدىم.
قازاق قوعامىندا قوردالانعان كوپتەگەن كۇردەلى ماسەلەلەر عىلىمي شەشىمدى تالاپ ەتەدى. "قازاق فەمينيزمى" دەگەن عىلىمي ەڭبەكتى كورسەتىڭىزشى، وقىپ ءتۇسىنىپ كورەيىن سول مارشتىڭ نەندەي قۇبىلىس پەن فيلوسوفياسى قانداي ەكەنىن. بار ما ونداي ەڭبەك؟ كىم زەرتتەپتى بۇل ماسەلەنى؟ وندا نە ايتىلعان؟
ءبىزدىڭ ەلدە قابىلدانىپ جاتقان كوپتەگەن زاڭدار، قاۋلىلار، قارارلار، تاعدىرشەشتى شەشىمدەردىڭ استىندا عىلىم جوق، ولار عىلىمي تالداۋ مەن ساراپتامانىڭ نەگىزىندە جاسالمايدى، ءتىپتى عىلىم سالاسىنىڭ وزىندە كوپتەگەن تالاپتار لوگيكاعا قايشى، الەمنىڭ بىردە-ءبىر ەلىندە جوق!
الماس ءجۇنىسباي،
تاريحشى، عالىم
پىكىرلەر