Qazaq qoǵamynyń jańǵyrýy ekitalaı. Neshe kúnnen beri jurt qyzdardyń marshindegi plakattardy talqylap álek bolyp júr.
Táýelsiz Qazaqstannyń 30 jyldyq tarıhynda "Ǵalymdarǵa jaǵdaı jasalsyn!", "Ǵalymdardyń quqyqtary aıaqqa taptalmasyn!", "Ǵylymdaǵy jemqorlyq toqtatylsyn!", "Ǵylymdaǵy alaıaqtar jaýapqa tartylsyn!", "Ǵylym el men ulttyń bolashaǵy!", "Ǵylymsyz bilim joq, bilimsiz bolashaq joq!", "Qazaq kózi ashyq, saýatty ultqa aınalsyn!", "Qazaqtyń ǵylymı tili órkendesin!", "Qazaqtaný ǵylymdaryn qorlaýǵa jol berilmesin!", "Ǵalymdar men olardyń zertteýleri bıýrokratııadan azat etilsin!", "Ár naǵyz qazaq ǵalymy jalǵyzym!" degen birde-bir plakat kórmedim.
Qazaq qoǵamynda qordalanǵan kóptegen kúrdeli máseleler ǵylymı sheshimdi talap etedi. "Qazaq femınızmi" degen ǵylymı eńbekti kórsetińizshi, oqyp túsinip kóreıin sol marshtyń nendeı qubylys pen fılosofııasy qandaı ekenin. Bar ma ondaı eńbek? Kim zerttepti bul máseleni? Onda ne aıtylǵan?
Bizdiń elde qabyldanyp jatqan kóptegen zańdar, qaýlylar, qararlar, taǵdyrsheshti sheshimderdiń astynda ǵylym joq, olar ǵylymı taldaý men saraptamanyń negizinde jasalmaıdy, tipti ǵylym salasynyń ózinde kóptegen talaptar logıkaǵa qaıshy, álemniń birde-bir elinde joq!
Almas JÚNISBAI,
Tarıhshy, ǵalym
