قازىرگى تاڭدا ەل ەكونوميكاسى قارقىندى دامىپ كەلە جاتىر، بۇل ءوز كەزەگىندە ەلىمىزدەگى كاسىپورىنداردىڭ باسەكەگە قابىلەتتىلىگىن ارتتىرۋدا. ال سول كاسىپورىندارعا جۇمىس جاساۋعا باراتىن جۇمىسشى ماماندار ەلىمىزدىڭ كوللەدجدەرىندە دايارلانادى.
كاسىپورىن دامىعان سايىن ءوزىنىڭ جابدىقتارىن ۇنەمى جاڭعىرتىپ وتىرادى، بۇل كوللەدجدەن كەلگەن جاس ماماندار ءۇشىن بەلگىلى ءبىر قيىندىقتار تۋىنداتادى، اتاپ ايتساق وندىرىستە قولدانىلىپ جاتقان جابدىقتىڭ كوللەدجدە بولماۋى.
بۇل ولقىلىقتىڭ ورنىن الۋ ءۇشىن «قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ 2019 جىلعى 23 قاڭتاردا جاستار جىلىنىڭ اشىلۋ سالتاناتىندا بەرىلگەن تاپسىرماسىن ورىنداۋ اياسىندا ەلىمىزدە «جاس مامان» جوباسى جۇزەگە اسىرىلۋدا.
«جاس مامان» جوباسى ەلىمىزدىڭ 180 كوللەدجىن مودەرنيزاتسيالاۋدى، ياعني ولاردى زاماناۋي جابدىقتار جيىنتىعىمەن جابدىقتاۋدى كوزدەيدى، ونىڭ ىشىندە حالىقارالىق WorldSkills قوزعالىسىنىڭ ستاندارتتارى دا ەسكەرىلىپ وتىر.
قازاقستان رەسپۋبليكاسى ۇكىمەتىنىڭ قاۋلىسىنا سايكەس «جاس مامان» جوباسىن جۇزەگە اسىرۋ بويىنشا وپەراتور بولىپ «Talap» كوممەرتسيالىق ەمەس اكتسيونەرلىك قوعامى بەكىتىلگەن.
«Talap» كەاق-ى وپەراتور رەتىندە «جاس مامان» جوباسىنا قاتىساتىن كوللەدجدەردى كونكۋرستىق ىرىكتەۋ جۇمىستارىن جۇزەگە اسىرادى.
كونكۋرستىق ىرىكتەۋ جۇمىستارىنىڭ ناتيجەسىندە 2020 جىلى «جاس مامان» جوباسىنا ەلىمىزدىڭ ءار ايماعىنان بارلىعى 80 كوللەدج ىرىكتەلىپ الىندى.
وسى كەزەكتە جابدىقتاردى الۋ راسىمىنە قىسقاشا ايتىپ وتسەك، تىزىمگە ەنگەن كوللەدجدەر زاماناۋي جابدىقتاردى الۋ ءۇشىن جۇمىس بەرۋشىلەرمەن كەلىسە وتىرىپ ءوز ايماعىندا باسەكەگە قابىلەتتى مامانداردى دايارلاۋ ءۇشىن قاجەتتى جابدىقتاردىڭ ءتىزىمىن قۇرايدى.
اتالعان جابدىقتار قۇرامىندا كەم دەگەندە 50% جۇمىس بەرۋشەلەردەن جانە كاسىپكەرلەردەن تۇراتىن ايماقتىق كوميسسيادا قاراستىرىلىپ بەكىتىلەدى.
ءار ايماق جابدىقتار ءتىزىمىن «Talap» كەاق-ى جىبەرەدى. ءبىز وپەراتور رەتىندە بارلىق جابدىقتار ءتىزىمىن «اتامەكەن» ۇكپ جانە سالالىق جۇمىس بەرۋشىلەردىڭ اسسوتسياتسياسىنا كەلىسۋگە جولدايمىز. اتالعان مەكەمەلەردەن كەلىسىم الىنعاننان كەيىن جابدىقتار ءتىزىمى رەسپۋبليكالىق كوميسسيا دەڭگەيىندە قاراستىرىلىپ، بەكىتىلەدى. بەكىتىلگەن تىزىمگە سايكەس كوللەدجدەر بەلگىلەنگەن تارتىپتە ساتىپ الۋ جۇمىستارىن جۇرگىزەدى.
2020 جىلى ەلىمىزدە 80 كوللەدج زاماناۋي جابدىقتاردى ساتىپ الدى، اتاپ ايتساق جەڭىل ونەركاسىپ، اسپاز، ماشينا جاساۋ، اۆتوكولىكتەردى جوندەۋ، اۋىل شارۋاشىلىعى، IT ماماندىقتارى بويىنشا، سونىمەن قاتار مەحاترونيكا سەكىلدى جاڭا سالاعادا جابدىقتار ساتىپ الىندى.
قازىرگى كۇنى زاماناۋي قوندىرعىلارمەن جابدىقتالعان كوللەدجدەر ءوز بازالارىندا قۇزىرەتتىلىك ورتالىقتارىن اشۋ بويىنشا جۇمىستاردى جۇرگىزۋدە.
ۇستىمىزدەگى جىلىدا «جاس مامان» جوباسىنىڭ شەڭبەرىندە جۇمىستار جالعاسۋدا. بيىل 100 كوللەدجدى زاماناۋي قوندىرعىلارمەن جابدىقتاۋ جوسپارلانعان.
«جاس مامان» جوباسىنىڭ جۇزەگە اسىرىلۋىنىڭ ارقاسىندا ەلىمىزدەگى كوللەدجدەردىڭ بازاسىن جاڭعىرۋدا، بۇل ءوز كەزەگىندە كوللەدج بازاسىندا بىلىكتى مامانداردى دايارلاۋدىڭ ساپاسىنىڭ ارتۋىنا اكەلەدى. كوللەدج تۇلەكتەرىنىڭ دايارلىق دەڭگەيى ساپاسىنىڭ ارتۋى ەل ەكونوميكانىڭ ءار سالاسىنا بىلىكتى مامانداردىڭ كەلۋى دەپ ايتا الامىز. ارينە ول ناتيجەگە بۇگىن-ەرتەڭ جەتەمىز دەپ ايتۋعا بولمايدى، الايدا «جاس مامان» جوباسىنىڭ ناتيجەسى الداعى بەس التى جىل كولەمىندە كورىنەدى دەگەن سەنىم بار.
جانايداروۆ نۇرداۋلەت داۋلەتبەكۇلى،
«Talap» كەاق-نىڭ جوبالار جانە الەۋمەتتىك سەرىكتەستىك باسقارماسىنىڭ باسشىسى
