Qazirgi tańda el ekonomıkasy qarqyndy damyp kele jatyr, bul óz kezeginde elimizdegi kásiporyndardyń básekege qabilettiligin arttyrýda. Al sol kásiporyndarǵa jumys jasaýǵa baratyn jumysshy mamandar elimizdiń kolledjderinde daıarlanady.
Kásiporyn damyǵan saıyn óziniń jabdyqtaryn únemi jańǵyrtyp otyrady, bul kolledjden kelgen jas mamandar úshin belgili bir qıyndyqtar týyndatady, atap aıtsaq óndiriste qoldanylyp jatqan jabdyqtyń kolledjde bolmaýy.
Bul olqylyqtyń ornyn alý úshin «Qazaqstan Respýblıkasynyń Tuńǵysh Prezıdenti N.Á.Nazarbaevtyń 2019 jylǵy 23 qańtarda Jastar jylynyń ashylý saltanatynda berilgen tapsyrmasyn oryndaý aıasynda elimizde «Jas maman» jobasy júzege asyrylýda.
«Jas maman» jobasy elimizdiń 180 kolledjin modernızaııalaýdy, ıaǵnı olardy zamanaýı jabdyqtar jıyntyǵymen jabdyqtaýdy kózdeıdi, onyń ishinde halyqaralyq WorldSkills qozǵalysynyń standarttary da eskerilip otyr.
Qazaqstan Respýblıkasy úkimetiniń qaýlysyna sáıkes «Jas maman» jobasyn júzege asyrý boıynsha operator bolyp «Talap» kommerııalyq emes akıonerlik qoǵamy bekitilgen.
«Talap» KEAQ-y operator retinde «Jas maman» jobasyna qatysatyn kolledjderdi konkýrstyq irikteý jumystaryn júzege asyrady.
Konkýrstyq irikteý jumystarynyń nátıjesinde 2020 jyly «Jas maman» jobasyna elimizdiń ár aımaǵynan barlyǵy 80 kolledj iriktelip alyndy.
Osy kezekte jabdyqtardy alý rásimine qysqasha aıtyp ótsek, tizimge engen kolledjder zamanaýı jabdyqtardy alý úshin jumys berýshilermen kelise otyryp óz aımaǵynda básekege qabiletti mamandardy daıarlaý úshin qajetti jabdyqtardyń tizimin quraıdy.
Atalǵan jabdyqtar quramynda kem degende 50% jumys berýshelerden jáne kásipkerlerden turatyn aımaqtyq komıssııada qarastyrylyp bekitiledi.
Ár aımaq jabdyqtar tizimin «Talap» KEAQ-y jiberedi. Biz operator retinde barlyq jabdyqtar tizimin «Atameken» UKP jáne salalyq jumys berýshilerdiń assoıaııasyna kelisýge joldaımyz. Atalǵan mekemelerden kelisim alynǵannan keıin jabdyqtar tizimi respýblıkalyq komıssııa deńgeıinde qarastyrylyp, bekitiledi. Bekitilgen tizimge sáıkes kolledjder belgilengen tártipte satyp alý jumystaryn júrgizedi.
2020 jyly elimizde 80 kolledj zamanaýı jabdyqtardy satyp aldy, atap aıtsaq jeńil ónerkásip, aspaz, mashına jasaý, avtokólikterdi jóndeý, aýyl sharýashylyǵy, IT mamandyqtary boıynsha, sonymen qatar mehatronıka sekildi jańa salaǵada jabdyqtar satyp alyndy.
Qazirgi kúni zamanaýı qondyrǵylarmen jabdyqtalǵan kolledjder óz bazalarynda quzyrettilik ortalyqtaryn ashý boıynsha jumystardy júrgizýde.
Ústimizdegi jylyda «Jas maman» jobasynyń sheńberinde jumystar jalǵasýda. Bıyl 100 kolledjdi zamanaýı qondyrǵylarmen jabdyqtaý josparlanǵan.
«Jas maman» jobasynyń júzege asyrylýynyń arqasynda elimizdegi kolledjderdiń bazasyn jańǵyrýda, bul óz kezeginde kolledj bazasynda bilikti mamandardy daıarlaýdyń sapasynyń artýyna ákeledi. Kolledj túlekteriniń daıarlyq deńgeıi sapasynyń artýy el ekonomıkanyń ár salasyna bilikti mamandardyń kelýi dep aıta alamyz. Árıne ol nátıjege búgin-erteń jetemiz dep aıtýǵa bolmaıdy, alaıda «Jas maman» jobasynyń nátıjesi aldaǵy bes alty jyl kóleminde kórinedi degen senim bar.
Janaıdarov Nurdáýlet Dáýletbekuly,
«Talap» KEAQ-nyń Jobalar jáne áleýmettik seriktestik basqarmasynyń basshysy
