ۇبت جاڭا فورماتقا اۋىستى

2768
Adyrna.kz Telegram

قازاقستاندا العاش رەت كومپيۋتەرلىك فورماتتا وتكىزىلەتىن ۇلتتىق بىرىڭعاي تەستىلەۋگە تىركەلۋ باستالدى، دەپ مالىمدەدى ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ. بۇل تۋرالى Sputnik.kz حابارلايدى.

"دوستار، ناۋرىزدا وتەتىن ۇبت-عا تىركەلۋ: 4 ناۋرىزدان باستاپ app.testcenter.kz سىلتەمەسى ارقىلى جۇرگىزىلۋدە. ەلىمىزدەگى كارانتيندىك شەكتەۋلەرگە سايكەس، تەستىلەۋ تىزىممەن وتكىزىلەدى", - دەدى ول.

تەستىلەۋ 10 ناۋرىز بەن 10 ءساۋىر ارالىعىندا وتكىزىلەدى. قۇنى - 2 242 تەڭگە. ناۋرىزداعى ۇبت سەرتيفيكاتىمەن جوعارى وقۋ ورىندارىنا اقىلى نەگىزدە تۇسۋگە بولادى.

تىركەلۋ بارىسىندا ۇبت وتكىزۋ پۋنكتىنىڭ قايسى جۇمىس ىستەيتىنى كورسەتىلەدى.

بۇعان دەيىن ديدار سماعۇلوۆ قازاقستاندىق تۇلەكتەر ۇبت-نى ءۇش رەت تاپسىرىپ كورە الاتىنىن حابارلاعان بولاتىن. ءبىر رەت اقىلى، ال قالعان ەكى رەت تەگىن.

گرانتقا ءتۇسۋ ءۇشىن تەستىلەۋ ءساۋىر-ماۋسىم ارالىعىندا وتەدى. ەكى تەگىن تەست بولادى. ال ناۋرىز ايىنداعى كومپيۋتەرلىك فورماتتاعى ۇبت اقىلى بولىمدەرگە ءتۇسۋ ءۇشىن ارنالعان. وعان تۇلەك ءوز قالاۋىمەن قاتىسا الادى.

پىكىرلەر