Qazaqstanda alǵash ret kompıýterlik formatta ótkiziletin Ulttyq biryńǵaı testileýge tirkelý bastaldy, dep málimdedi Ulttyq testileý ortalyǵynyń dırektory Dıdar Smaǵulov. Bul týraly Sputnik.kz habarlaıdy.
"Dostar, naýryzda ótetin UBT-ǵa tirkelý: 4 naýryzdan bastap app.testcenter.kz siltemesi arqyly júrgizilýde. Elimizdegi karantındik shekteýlerge sáıkes, testileý tizimmen ótkiziledi", - dedi ol.
Testileý 10 naýryz ben 10 sáýir aralyǵynda ótkiziledi. Quny - 2 242 teńge. Naýryzdaǵy UBT sertıfıkatymen joǵary oqý oryndaryna aqyly negizde túsýge bolady.
Tirkelý barysynda UBT ótkizý pýnktiniń qaısy jumys isteıtini kórsetiledi.
Buǵan deıin Dıdar Smaǵulov qazaqstandyq túlekter UBT-ny úsh ret tapsyryp kóre alatynyn habarlaǵan bolatyn. Bir ret aqyly, al qalǵan eki ret tegin.
Grantqa túsý úshin testileý sáýir-maýsym aralyǵynda ótedi. Eki tegin test bolady. Al naýryz aıyndaǵy kompıýterlik formattaǵy UBT aqyly bólimderge túsý úshin arnalǵan. Oǵan túlek óz qalaýymen qatysa alady.
