ۋكراينادا حاركوۆ وبلىستىق كەڭەسىنىڭ دەپۋتاتى الەكساندر دوروشەنكو ورىس تىلىندە ءسوز سويلەگەنى ءۇشىن پارتيا قاتارىنان شىعارىلدى، دەپ حابارلادى «ادىرنا» ءتىلشىسى ريا نوۆوستيگە سىلتەمە جاساپ.
بۇل تۋرالى «ەۋروپالىق ىنتىماقتاستىق» پارتياسىنىڭ ءباسپاسوز قىزمەتى جازدى. پارتيا دەپۋتاتتىڭ ەسكەرتۋلەردى ەلەمەگەنىن ايتتى.
دوروشەنكونىڭ ءوزى Facebook-تەگى پاراقشاسىندا ورىن ءتىلىن قاتتى قوبىلجىعاننىڭ سالدارىنان قولدانعانىن جەتكىزدى.
«قوبالجىدىم، سوندىقتان ورىس تىلىندە سويلەدىم. ۋكراين تىلىندە ءوز ويىمدى جەتكىزە المادىم. قوعامنان، سونداي-اق «ەۋروپالىق ىنتىماقتاستىق» پارتياسىنداعى ارىپتەستەرىمنەن كەشىرىم سۇرايمىن. ارىپتەستەرىمنىڭ ەسكەرتۋلەرىنە مەنىڭ رەاكتسيام باسقاشا بولۋى كەرەك ەدى", - دەپ جازدى ول.
ايتا كەتەيىك، دەپۋتات بولاشاقتا كوپشىلىك الدىندا تەك ۋكراين تىلىندە سويلەۋگە ۋادە بەردى. دەسە دە، ول "حاركوۆ تۇرعىندارىنىڭ كوپشىلىگى" سياقتى ورىس ءتىلدى ەكەنىن مويىندادى.
«ادىرنا» ۇلتتىق پورتالى
