اقش ساۋد ارابياسىنا قارسى ەكونوميكالىق سانكتسيا جاريالادى
اقش ساۋد ارابياسىنىڭ تاق مۇراگەرى موحاممەد بين سالماندى كەزىندە اقش پەن ساۋديانىڭ اراسىندا حالىقارالىق ساياسي كريتيكالىق ساراپتامالار جاساۋشى، باتىس الەمىنە بەلگىلى جۋرنالست دجامال حاشوگگيدىڭ ولىمىنە قاتىسى بارىن انىقتاپ، سانكتسيا جاريالادى.
اق ءۇي مۇنى رەسمي مالىمدەدى. دجامال حاشوگگي 2018 جىلى ستامبۋلداعى ساۋد ارابياسىنىڭ ەلشىلىگىندە ولتىرىلگەن ەدى. بىراق ونىڭ دەنەسى دە سول بويى جوعالىپ كەتكەن بولاتىن.
سونىمەن قاتار اقش بۇل ىسكە قاتىستى ساۋديانىڭ 76 ادامىن سانكتسيانىڭ تىزىنە الدى. ولاردىڭ كوپشىلىگى مۇناي ماگناتتارى مەن بيزنەسمەندەر. بۇلاردىڭ بارلىعى بەلگىلى ءجۋرناليستتى ولتىرۋگە قاتىسى بار دەپ ايىپتالىپ وتىر. ال، دونالد ترامپتىڭ پرەزيدەنتتىگى كەزىندە بۇل ءىستى اشۋعا مۇددەلى بولماعاندىعى دا انىقتالىپ وتىر.
ساۋديانىڭ وكىمەتى بۇل جاعدايعا تاڭ قالىستارىن ءبىلدىرىپ، تەرىس اينالۋدا. اقش تاراپى بۇل ىسكە قاتىستىلاردى جانە وسى ىسكە قاتىستى ۇيىمداردى دا حالىقارالىق جاۋاپكەرشىلىككە تارتاتىنىن ايتىپ وتىر.
كەيبىر ساراپشىلار بۇل ىسكە رەسەي مەن قىتايدىڭ دا قىزىعۋشىلىعى ارتۋى مۇمكىن دەپ بولجام جاسايدى. كۇتە تۇرايىق.
بەكبولات قارجان،
"ادىرنا" ۇلتتىق پورتالى
