AQSh Saýd Arabııasyna qarsy ekonomıkalyq sankııa jarııalady
AQSh Saýd Arabııasynyń taq murageri Mohammed bın Salmandy kezinde AQSh pen Saýdııanyń arasynda halyqaralyq saıası krıtıkalyq saraptamalar jasaýshy, batys álemine belgili jýrnalst Djamal Hashoggıdiń ólimine qatysy baryn anyqtap, sankııa jarııalady.
Aq Úı muny resmı málimdedi. Djamal Hashoggı 2018 jyly Stambýldaǵy Saýd Arabııasynyń elshiliginde óltirilgen edi. Biraq onyń denesi de sol boıy joǵalyp ketken bolatyn.
Sonymen qatar AQSh bul iske qatysty Saýdııanyń 76 adamyn sankııanyń tizine aldy. Olardyń kópshiligi munaı magnattary men bıznesmender. Bulardyń barlyǵy belgili jýrnalıstti óltirýge qatysy bar dep aıyptalyp otyr. Al, Donald Tramptyń prezıdenttigi kezinde bul isti ashýǵa múddeli bolmaǵandyǵy da anyqtalyp otyr.
Saýdııanyń ókimeti bul jaǵdaıǵa tań qalystaryn bildirip, teris aınalýda. AQSh tarapy bul iske qatystylardy jáne osy iske qatysty uıymdardy da halyqaralyq jaýapkershilikke tartatynyn aıtyp otyr.
Keıbir sarapshylar bul iske Reseı men Qytaıdyń da qyzyǵýshylyǵy artýy múmkin dep boljam jasaıdy. Kúte turaıyq.
Bekbolat QARJAN,
"Adyrna" ulttyq portaly
