جەلكەسىنەن سۇيرەپ، ەدەنگە لاقتىرعان. وسكەمەندە بالاباقشا تاربيەشىسى ءبۇلدىرشىندى جۇلقىلاپ، ەدەنگە ۇرعان ءساتى بەينەباقىلاۋ كامەراسىنا ءتۇسىپ قالعان، دەپ حابارلايدى «ادىرنا» ءتىلشىسى Almaty.tv-گە سىلتەمە جاساپ.
وقيعا «ارمان» اتتى مەكتەپكە دەيىنگى مەكەمەدە بولعان. بالالاردىڭ ءبىرىنىڭ اتا-اناسى تاربيەشى ۇلىمەن قاتال ەكەنىن ايتىپ شاعىمدانادى. ايىپتى راستاۋ ءۇشىن ولار مىنا ۆيدەو كادرلارىن كورسەتكەن. وندا الگى تاربيەشىنىڭ بالانى ۇستاپ الىپ، باسقالاردىڭ كوزىنشە جۇلقىلاعانى انىق كورىنىپ تۇر.
شىعىس قازاقستان وبلىسىنىڭ ءبىلىم باسقارماسى بۇل دەرەكتى راستادى. ۆيدەوداعى جانجال 17 اقپاندا بولعانى، ال بالانىڭ اتا-اناسى كەشە ارىزدانعانى ءمالىم بولدى. قازىر بالاباقشا ديرەكتورى مەن تاربيەشى جۇمىستان بوساتىلعان. تاربيەشىگە قاتىستى قىلمىستىق كودەكستىڭ 140-بابى، ياعني كامەلەتكە تولماعانداردى تاربيەلەۋ جونىندەگى مىندەتتەردى ورىنداماۋ بويىنشا قىلمىستىق ءىس قوزعالدى. ال توپتاعى بالالارمەن بۇگىننەن باستاپ پسيحولوگ جۇمىس ىستەيدى.
«ادىرنا» ۇلتتىق پورتالى
