Túrkistan oblysynda 400 bala ońaltýdan ótedi

2797
Adyrna.kz Telegram

Bul týraly Nursultan Nazarbaev Qorynyń dırektory Darıǵa Nazarbaevanyń Shymkent qalasyndaǵy «Qamqorlyq» ońaltý ortalyǵyn aralaý kezinde belgili boldy dep habarlaıdy «Adyrna» ulttyq portaly Túrkistan oblystyq baspasóz qyzmetine silteme jasap.
Esterińizge sala keteıik, ortalyq 2020 jyldyń jeltoqsan aıynda Elbasynyń «Qamqorlyq» bastamasy aıasynda ashylyp, Shymkent qalasyndaǵy oblystyq balalar aýrýhanasynda ornalasqan. Ortalyqtyń jalpy aýdany 250 sharshy metr. Ortalyq damýynda aýytqýlary bar erte jastaǵy balalarǵa arnalǵan. Munda balalar 21 kúnge sozylatyn kýrstardan ótedi. Ambýlatorııalyq jáne staıonarlyq ońaltý tegin kórsetiledi.
Darıǵa Nazarbaeva pedagogtardyń túzetý sabaqtaryna, emdik dene shynyqtyrý jáne mehanoterapııanyń jeke sabaqtaryna qatysty, sondaı-aq saraptamalyq synyptaǵy elektroenefalografta jáne keshendi aýdıometrde balalardy dıagnostıkalyq tekserý sharalarymen tanysty.
Aıta ketý kerek, osy ýaqytqa deıin Túrkistan oblysynda mundaı jabdyqtar tek jeke menshik ortalyqtarda ǵana bolǵan.
«Erte aralasý ortalyǵy modeliniń ereksheligi – aýmaǵy men mamandar tobynyń az bolǵanyna qaramastan ár balaǵa 70-ke deıin ońaltý qyzmetin usyný múmkindigi. Úsh ońaltý kýrsy jumysynyń nátıjeleri balanyń damýyna erte keshendi áser etýdiń mańyzdylyǵy men tıimdiligin taǵy da dáleldeıdi. Ár balada oń dınamıka baıqalady, al bes sábıimiz ońaltý sabaqtarynan keıin alǵashqy qadamdaryn jasady», - dedi ortalyq dırektory Lázzat Kýchkarova.
Jyl sońyna deıin 400 bala Shymkentte ońaltýdan ótedi.
Nursultan Nazarbaev Qory erte aralasý qyzmetin damytýdyń tıimdiligi men qajettiligin eskere otyryp, Elbasynyń «Qamqorlyq» bastamasynyń ekinshi kezeńi aıasynda osyndaı ortalyqtardyń ashylýyn jalǵastyrýdy josparǵa aldy.
Darıǵa Nazarbaeva Túrkistan oblysyndaǵy jumys sapary aıasynda Elbasynyń «Qamqorlyq» bastamasy aıasynda ashylǵan ınklıýzııany qoldaý kabınetterine de bardy.
Kabınetter «№1 A.Baıtursynov atyndaǵy jalpy orta mektep» KMM jáne oblys ortalyǵyndaǵy «№ 21 jalpy orta mektep» KMM ornalasqan. Olar arnaıy jıhazdarmen jáne jabdyqtarmen, ınteraktıvti taqtamen, Montessorı materıaldarymen, dıdaktıkalyq quraldarmen jabdyqtalǵan. Kabınetter qarapaıym synypqa uqsas, biraq erekshe bilim berý qajettilikteri bar balalarmen jeke jáne kishi synyptarda jumys isteýge daǵdylanǵan. Kabınetter, sondaı-aq balalardy sensorlyq jeńildetý men muǵalimniń jumys orny aımaqtaryna bólingen.
IQK-da Darıǵa Nazarbaeva balalarmen tanysyp, olardyń jeke assıstentterimen (tıýtorlarymen) áńgimelesti. Tıýtor súıemeldeýin aýtıstik spektri buzylǵan árbir oqýshy ádettegi synyptaǵy sabaq kezinde de, ınklıýzııany qoldaý kabınetinde de alady. Assıstenttiń negizgi mindeti – balaǵa múmkindiginshe óz betinshe ómir súrýge kómektesý.
Bala erekshelikterine baılanysty IQK-da logopedııalyq, defektologııalyq sabaqtarda jeke túzetý jumystary júrgiziledi. Qor dırektory mektep sabaqtaryna qatysyp, erekshe oqýshylardyń synyptyń jalpy jumysyna qalaı qosylatynyna da nazar aýdardy.

Pikirler