«Qazaqstan» ۇلتتىق ارناسىندا «تاۋلى قاراباق: جاڭا ءبىتىم» باعدارلاماسى كورسەتىلدى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
باعدارلامادا ازەربايجان مەن ارمەنيا اراسىندا 30 جىلعا سوزىلعان كەلىسسوزدەر ناتيجە جان - جاقتى ايتىلدى.
«قاراباق وقيعاسى ءو تكەن جىلى كۇردەلەنىپ، اسكەري قاقتىعىسقا ۇلاستى. ازەربايجان تاراپى اسكەري ارەكەتتەرگە كوشىپ، قارسى شابۋىل جاسادى. الەم پاندەميانىڭ ەكىنشى تولقىنىمەن كۇرەستى باستاعان كەزدە تاۋلى قاراباقتىڭ اينالاسىندا ناعىز شايقاس باستالىپ كەتتى. ازەربايجان قارۋلى كۇشتەرى شابۋىلدى ۇدەتىپ، ءبىر كەزدەرى ايىرىلىپ قالعان بىرقاتار اۋداندارى مەن قاراباقتىڭ ورتالىعى سانالاتىن شۋشاعا كىرىپ ۇلگەردى» ، - دەدى باعدارلاما جۇرگىزۋشىسى.
باعدارلاما بارىسىندا ازەربايجاندىق قاريا قازاقستاندىقتارعا العىس ايتتى.
«بۇل جەردە ءبىزدىڭ قاھارمان ۇلدارىمىز جاتىر. ولار حالقىمىزدىڭ ازاتتىعى ءۇشىن جاندارىن بەرىپ، شەيىت بولدى. قازاق حالقىنا بىزبەن بىرگە بولعاندارىڭىز ءۇشىن العىس بىلدىرەمىن» ، - دەيدى باكۋلىق قاريا.
