ءماجىلىس دەپۋتاتى ەلنۇر بەيسەنباەۆ بالالار قۇقىعىن قورعاۋ زاڭناماسىنا "جابىرلەۋ" ۇعىمى نە ءۇشىن ەنگىزىلىپ وتىرعانىن ءتۇسىندىردى، دەپ حابارلايدى Sputnik قازاقستان ءتىلشىسى.
"بارلىعىمىز تالقىلاپ وتىرعان بالانىڭ قۇقىعىن قورعاۋ مەن ونى قولداۋعا باعىتتالعان زاڭدارعا وزگەرىستەر ەنگىزۋ بويىنشا قوعامدا تۇسىنىسپەۋشىلىك تۋىنداپ وتىر. ونىڭ باستى سەبەبى – الەۋمەتتىك جەلىدە جانە WhatsApp مەسسەندجەرىندە جالعان اقپاراتتىڭ تاراتىلۋى، دايەكسىز مالىمەتتەردىڭ حالىق اراسىندا تالقىلانۋى", - دەدى بەيسەنباەۆ ورتالىق كوممۋنيكاتسيالار قىزمەتىندە وتكەن ونلاين بريفينگتە.
ونىڭ ايتۋىنشا، كوپتەگەن قوعام بەلسەندىسى "جابىرلەۋ" دەگەن تۇسىنىك قازاق داستۇرىنە قارسى ەنگىزىلىپ وتىر دەپ سانايدى.
-
"ولاي ەمەس، كەرىسىنشە، بالانى قادىرلەۋگە، ونى سىيلاۋعا باعىتتالادى. ءبىلىم بەرۋ مەكەمەلەرىندەگى جابىرلەۋدى بولدىرماۋ جانە وعان جاۋاپ بەرۋ ءۇشىن جۇيەلى شارالار قابىلداۋدىڭ ماڭىزدىلىعىن كورسەتىپ وتىر. مىسالى، ۇلتتىق قوعامدىق دەنساۋلىق ساقتاۋ ورتالىعىنىڭ مالىمەتى بويىنشا ەلىمىزدە وقۋشىلاردىڭ 12 پروتسەنتتەن استامى جابىرلەنۋى مۇمكىن. بۇل – ءبىر. ەكىنشىدەن، وتكەن جىلدىڭ وزىندە 143 ءجاسوسپىرىم وزىنە قول جۇمساعان بولسا، 306 ءجاسوسپىرىم سونداي ارەكەت جاساۋعا تىرىسقان، ياعني، الەم بويىنشا ءبىزدىڭ ەلىمىز بالالار اراسىنداعى سۋيتسيدتەن الدىڭعى قاتارلاردىڭ بىرىندە تۇر", - دەپ اتاپ ءوتتى بەيسەنباەۆ.
دەپۋتاتتىڭ سوزىنە قاراعاندا، بالالار قۇقىعىن قورعاۋ بويىنشا كەيبىر زاڭنامالىق اكتىلەرگە تولىقتىرۋلار مەن وزگەرىستەر ەنگىزۋ تۋرالى زاڭ جوباسىنىڭ جۇمىس توبى وتكەن جىلى مامىر ايىندا قۇرىلعان.
ال ءماجىلىس سايلاۋىنان كەيىن جۇمىس توبى قايتادان جاساقتالدى. وعان 65 ادام – دەپۋتاتتار، پسيحولوگتار، پەداگوگتار، قوعام بەلسەندىلەرى، ساراپشىلار مەن قۇقىقتانۋشىلار كىرەدى.
"قاڭتار ايىنان بەرى ءۇش وتىرىس ءوتتى. جۇمىس توبىنىڭ ءاربىر وتىرىسى پارلامەنت ءماجىلىسىنىڭ رەسمي سايتىندا اشىق كورسەتىلەدى. ونى ءاربىر ازامات كورە الادى. قازىرگى ۋاقىتتا ءۇش كودەكسكە جانە التى زاڭعا 35-تەن استام تۇزەتۋ ەنگىزۋ ۇسىنىلدى. ال "جابىرلەۋ" تۇسىنىگىن جۇمىس توبى تەك ۇعىم رەتىندە ەنگىزۋدى قاراستىرىپ وتىر، ياعني، تەك الدىن الۋ شارالارىن ۇيىمداستىرۋ، بالالار اراسىندا پروفيلاكتيكالىق جۇمىستاردى جۇرگىزۋ ءۇشىن قاجەت", - دەپ اتاپ ءوتتى بەيسەنباەۆ.
سونداي-اق، زاڭ اياسىندا الدىن الۋ شارالارىن ءبىر جۇيەگە كەلتىرۋ جوسپارلانعان. سەبەبى جابىرلەۋدىڭ ارتى كيبەربۋللينگكە ۇلاسىپ جاتادى. بالانىڭ جەكە باسىنا قاتىستى ماسەلەلەر الەۋمەتتىك جەلىگە دە سالىنادى.
"سوسىن بۇل تۇسىنىك بويىنشا ەشقانداي اكىمىشىلىك نەمەسە قىلمىستىق ءىس-ارەكەتتەردى ەنگىزۋ جوسپارى جوق، ياعني، تۇسىندىرمە جۇمىستارى جۇرگىزىلەدى. كىنالىلەردى انىقتاۋ قاراستىرىلماعان. وسىنى بىردەن ايتىپ قويايىق", - دەدى بەيسەنباەۆ.
بۇگىندە "جابىرلەۋ" ۇعىمىن ەنگىزۋ بويىنشا ارنايى تالقىلاۋ الاڭى دا قۇرىلعان. نەگىزگى ماقسات – تۇسىنىكتى ءارى جان-جاقتى اقپارات بەرۋ.
