ازىق-تۇلىك باعاسىنىڭ قىمباتتاۋىنا جول بەرگەنى ءۇشىن شەنەۋنىكتەر جاۋاپقا تارتىلۋى مۇمكىن. بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ مالىمدەدى، دەپ حابارلايدى "ادىرنا" ۇلتتىق پورتالى.
"الەۋمەتتىك ماڭىزى بار تاۋارلاردىڭ باعاسىن ۇستاپ تۇرۋ بويىنشا وڭىرلەردىڭ جاۋاپكەرشىلىگىن اتاپ وتكەن ءجون. مينيسترلىك ولاردىڭ 1-توقساندا اتقارعان جۇمىسى تۋرالى اقپارات ەنگىزەدى جانە شارالاردىڭ ناقتى ناتيجەلەرى بولماعان جاعدايدا ءبىز اكىمدەردىڭ وسى ماسەلەگە جەتەكشىلىك ەتەتىن ورىنباسارلارىن جاۋاپكەرشىلىككە تارتۋ تۋرالى باستاما كوتەرەمىز", - دەدى سۇلتانوۆ ۇكىمەت وتىرىسىندا.
ونىڭ ايتۋىنشا، الەۋمەتتىك ماڭىزى بار ازىق-تۇلىكتىڭ باعاسى 2,4 ەسەگە وسكەن ەكەن.
"بارىنەن بۇرىن يمپورتقا تاۋەلدى ونىمدەردىڭ، جوعارى ەكسپورتتىق سۇرانىسى بار تاۋارلاردىڭ، سونداي-اق ماۋسىمارالىق كەزەڭدە ءداستۇرلى تۇردە قىمباتتايتىن كوكونىستىڭ باعاسى ءوسىم كورسەتتى. ولاردىڭ جالپى وسىمگە قوسقان ۇلەسى 2,0 پروتسەنتتىك تارماقتى قۇرادى", - دەدى مينيستر.
سۇلتانوۆ ازىق-تۇلىك باعاسى ءوندىرىس پەن تۇتىنۋ تەڭگەرىمىنە عانا ەمەس، سونداي-اق، يمپورتتالاتىن جانە ەكسپورتقا جىبەرىلەتىن ءونىمنىڭ ۇلەسىنە دە بايلانىستى.
مينيستر اۋىل شارۋاشىلىعى مينيسترلىگى وڭىرلىك اتقارۋشى ورگاندارمەن بىرلەسىپ، يمپورتقا تاۋەلدى تاۋارلار بويىنشا عانا ەمەس، سونداي-اق ەكسپورتتىڭ جوعارى ۇلەسى بايقالاتىن ونىمدەردىڭ دە ءوندىرىسىن بارىنشا ۇلعايتۋى قاجەت ەكەنىن ايتتى.
ەكىنشىدەن، ونىڭ ايتۋىنشا، تۇراقتاندىرۋ قورلارىنىڭ كولەمى جەتكىلىكتى ەمەس، ياعني 3,7 ميلليارد تەڭگەگە 25,4 مىڭ توننا قالىپتاسقان. ولاردىڭ ينتەرۆەنتسياسى جالپى تۇتىنۋدىڭ 0,2 پروتسەنتىنەن 1,4 پروتسەنتىنە دەيىن قۇرايدى.
"بۇل ءىس جۇزىندە باعاعا ءتيىستى اسەر ەتپەيدى. تۇراقتاندىرۋ قورلارىنىڭ ءوزى دە ءتيىمدى قالىپتاسپايدى. مىسالى، اقتوبە وبلىسىندا 2020 جىلى قانتتىڭ (56,9%), قاراقۇمىق جارماسىنىڭ (40,0%), كۇنباعىس مايىنىڭ (31,1%) جانە جۇمىرتقانىڭ (17,5%) باعاسى ەداۋىر ءوستى. بۇل رەتتە، جىل ىشىندە قورعا باعانىڭ شامالى ءوسۋى بايقالعان كوكونىستەر ساتىپ الىندى", - دەدى سۇلتانوۆ.
