قازاقتىڭ "راتاتۋي" اتانعان ەڭ جاس اسپازىنىڭ ەسىمى – رامازان احمەت. تۇركىستان قالاسىنىڭ تۋماسى. 12 جاسىنان باستاپ اسحاناعا قىزىعۋشىلىعى ويانىپ، اناسىمەن بىرگە ءتاتتى تاعامدار دايىنداي باستاعان. ءۇيىنىڭ سۇتكەنجەسى وقۋعا تۇسە الماسا دا، بولاشاقتا الەمگە ايگىلى اسپاز بولاتىنىنا سەنىمدى. ارمانى – فرانتسۋزدىق "ميشلەن" جۇلدىزىن يەمدەنۋ. بۇل تۋرالى ەۋرازيا ءبىرىنشى ارناسى حابارلايدى.
رامازان احمەت، اسپاز:
– ءبىرىنشى جاساعان تاماعىم كۋريتسا مەن جۇمىرتقا بولدى. 15 جاسىمدا 240 مىڭ ايلىققا اسپاز بولىپ جۇمىس جاسادىم. كوپتەگەن كۋحنيانى ۇيرەندىم. ارابسكي، كاۆكازسكي، گرۋزينسكي، ۆوتوچنىي دى جاساپ، قازاقشامەن قوسىپ 17 جاسىمدا ۇلكەن رەستوراننىڭ شەف-پوۆورى بولدىم.
رامازان ءتۇرلى ەلدىڭ اسحاناسىن تولىقتاي مەڭگەرگەن. قازىر ءوزى شاكىرت تاربيەلەۋدە. ەڭ ۇلكەنى 40 جاستا. قازاقتىڭ ءراتاتۋيى مىڭنان اسا ءدامدى تاماقتىڭ ءتۇرىن ەنشىلەگەن. ءتىپتى، ءوزىنىڭ اۆتورلىق قوسپالارىن ويلاپ تاپقان. رامازان احمەت، اسپاز:
– ءۇش جىلدىڭ ىشىندە 600-دەن استام تاماقتىڭ تۇرلەرىن ۇيرەندىم، قالعانىن بارلىعى فانتازياسىنا بايلانىستى، سول ءۇشىن مەنى "راتاتۋي" دەپ اتاپ كەتتى. ەشكىم جەپ كورمەگەن جاپوندىق كۋحنيانى سۋشيعا قازى جاساپ شىعاردىم، سەمگامەن مانتى جاسادىم. ونىڭ ىشىندە سەمگا بولادى. تەستاسىن يكرامەن جاسادىم، ال ىشىندەگى ناچينكاسىن سەمگامەن جاسادىم، قويدىڭ مايىمەن قوستىم.
