تۇركىستاندا جەكەمەنشىك ۇيدە بەس ادام ءولى تابىلدى، دەپ حابارلايدى «ادىرنا» ءتىلشىسى وبلىس اكىمىنىڭ ءباسپاسوز قىزمەتىنە سىلتەمە جاساپ.
2021 جىلدىڭ 27 اقپان كۇنى تۇركىستان قالاسىنداعى جەكە تۇرعىن ۇيدە 5 ادام: 1980 جىلعى اناسى جانە 2004, 2006, 2013, 2016 جىلى تۋعان بالالارعا ءيىس ءتيىپ قايتىس بولعان.
وتاعاسى كاسىپكەرلىكپەن اينالىسادى، وقيعا بولعان كەزدە ەمدەلۋ ماقساتىندا شىمكەنت قالاسىندا بولعان.
وقيعا ورنىنا ومىرزاق شوكەەۆ، پوليتسيا دەپارتامەنتى جانە تجد باستىعى، تۇركىستان قالاسىنىڭ اكىمى باردى. وبلىس اكىمى وقيعانىڭ تەرگەۋ بارىسىن جەكە باقىلاۋىنا الىپ، قازا بولعانداردىڭ تۋىستارى مەن جاقىندارىنا كوڭىل ايتتى. وتباسىنا ماتەريالدىق كومەك كورسەتۋدى تاپسىردى.
"زارداپ شەككەن وتباسىنا قاجەتتى پسيحولوگيالىق جانە ماتەريالدىق كومەك كورسەتىلەدى. ماسەلە مەنىڭ جەكە باقىلاۋىمدا. مەن قايتىس بولعان وتباسىنىڭ تۋىستارى مەن جاقىندارىنا شىن جۇرەكتەن كوڭىل ايتامىن", - دەدى ومىرزاق شوكەەۆ.
قايعىلى وقيعانىڭ ءمان-جايىن انىقتاۋ ءۇشىن وبلىس اكىمىنىڭ ءبىرىنشى ورىنباسارى ارمان جەتپىسبايەۆتىڭ باسشىلىعىمەن ارنايى كوميسسيا قۇرىلدى.
«ادىرنا» ۇلتتىق پورتالى
