تۇركىستان وبلىسى ارىس قالاسىنىڭ № 4 مەكتەبىنىڭ 11 سىنىپ وقۋشىلارى اراسىندا توبەلەس بولدى، دەپ حابارلايدى «ادىرنا» ءتىلشىسى.
رەداكتسيامىزعا ارنايى حابارلاسقان تۇركىستان وبلىسى، ارىس قالاسىنىڭ تۇرعىنى شۇعىل اقپاراتپەن ءبولىستى. ونىڭ ايتۋىنشا، الدەبىر ماراپاتتاۋ ءراسىمى كەزىندە بەرىلگەن سىيلىققا رازى بولماعان ادامدار زالدىڭ ىشىندە توبەلەس شىعارىپ، ول توبەلەستىڭ اقىرى سىرتتا جالعاسقان. سىرتتاعى توبەلەسكە ارالاسقان ومونداردىڭ ءوزى توبەلەسۋشىلەردى توقتاتا الماعان.
بەلگىلى بولعانداي، ءىس-شارا ارىس قالالىق مادەنيەت ۇيىندە وتكەن.
«11 سىنىپ وقۋشىلارى اراسىندا "جاس سارباز-2021" اسكەري دايىندىق بويىنشا مەكتەپارالىق كونكۋرس وتكىزۋ فاكتىسى انىقتالدى. بايقاۋدى ۇيىمداستىرۋشىلار ارىس قالالىق سانيتارلىق-ەپيدەميولوگيالىق باقىلاۋ باسقارماسىنا الداعى ءىس - شارا تۋرالى حابارلاعامان", - دەپ مالىمدەدى كوميتەت.
ايتا كەتەيىك، كارانتين رەجيمىن بۇزعانى ءۇشىن مادەنيەت ءۇيىنىڭ ديرەكتورىنا 230 230 اەك كولىمىندە ايىپپۇل سالىندى.
«ادىرنا» ۇلتتىق پورتالى
