پرەزيدەنت قاسىم-جومارت توقاەۆ Kaspi.kz كومپانياسىنىڭ نەگىزىن قالاۋشىلاردى قابىلدادى، دەپ حابارلادى اقوردا سايتى.
سايت مالىمەتىنشە، كەزدەسۋ بارىسىندا ۆياچەسلاۆ كيم مەن ميحايل لومتادزە كومپانيانىڭ قازىرگى جۇمىسى مەن جەتىستىكتەرى تۋرالى ايتتى.
ولار پرەزيدەنتكە ءىرى جاھاندىق ينۆەستورلاردىڭ قازاقستانعا دەگەن قىزىعۋشىلىعى ارتقانى جونىندە مالىمەت بەردى. ولاردىڭ ايتۋىنشا، بۇعان Kaspi.kz اكتسيالارىنىڭ لوندون قور بيرجاسىنا اشىق تۇردە ءساتتى ورنالاستىرىلۋى سەبەپ بولعان.
"سونىمەن قاتار كەزدەسۋدە قولما-قول اقشاسىز تولەم كولەمىنىڭ ءوسۋى جانە ونىڭ قولدانىلۋ اياسىن كەڭەيتۋ، كومپانيانىڭ قاتىسۋىمەن مەملەكەتتىك تسيفرلاندىرۋ جوبالارىن جۇزەگە اسىرۋ ماسەلەلەرى تالقىلاندى" دەلىنگەن حابارلامادا.
كەزدەسۋ قورىتىندىسى بويىنشا مەملەكەتتىك ورگاندار مەن Kaspi.kz كومپانياسىنىڭ بىرلەسكەن جۇمىستارىنىڭ پەرسپەكتيۆالىق باعىتتارى بەلگىلەنىپ، قازاقستانداعى قولما-قول اقشاسىز تولەمدەردى دامىتۋعا قاتىستى ماسەلەلەر ناقتىلاندى.
