پاۆلودارلىق ءورت ءسوندىرۋشى قىزمەتتىك مىندەتىن اتقارۋ كەزىندە قايتىس بولدى، دەپ حابارلايدى «ادىرنا» ءتىلشىسى.
«2021 جىلدىڭ 25 اقپانىندا ساعات 7.46-دا پاۆلودار وبلىسى اقسۋ قالاسىنىڭ اقسۋ شاعىن اۋدانىندا ءورت ورىن العاندىعى تۋرالى حابارلاما ءتۇستى. ءتورت بولمەلى تۇرعىن ۇيدە جالپى اۋدانى 80 شارشى مەتر ءورت شارپىعان. ءورت ساعات 10.16-دا وقشاۋلاندى، ساعات 11.00-دە تولىعىمەن سوندىرىلگەن»،-دەدى قر تجم رەسمي وكىلى تالعات ءۋالي.
ءورت سوندىرۋشىلەر قىزىل جالىنمەن كۇرەسىپ جاتقاندا 1997 جىلى تۋعان اقسۋ قالاسى № 12 ءورت ءسوندىرۋ بەكەتى بولىمشەسىنىڭ كومانديرى ازاماتتىق قورعاۋ سەرجانتى ارىستانبەك ماشراپتىڭ جاعدايى ناشارلاعان.
ءورت ءسوندىرۋشى اقسۋ اۋىلدىق دارىگەرلىك امبۋلاتورياسىنا ەس-ءتۇسسىز كۇيدە جەتكىزىلگەن. كەيىن دارگەرلەر ونىڭ قايتىس بولعاندىعىن حابارلادى. وقيعانىڭ ءمان-جايى انىقتالۋدا.
سونىمەن قاتار 1995 جىلى تۋعان № 12 ءورت ءسوندىرۋ بەكەتى بولىمشەسىنىڭ كومانديرى ازاماتتىق قورعاۋ كىشى سەرجانتى ەرمەك تۇرلىبەكوۆ اۋرۋحاناعا جەتكىزىلىپ، پاۆلودار قالاسىنىڭ اۋرۋحاناسىنا جاتقىزىلدى.
قايتىس بولعان ارىستانبەك ماشراپ ازاماتتىق قورعاۋ ورگاندارىندا 2018 جىلدان باستاپ قىزمەت اتقاردى. پاۆلودار قالاسىنىڭ تۋماسى، ۇيلەنگەن.
قر تج مينيسترلىگىنىڭ ۇجىمى ارىپتەسىمىزدىڭ مەزگىلسىز قايتىس بولۋىنا بايلانىستى مارقۇمنىڭ جاقىندارى مەن تۋىستارىنا كوڭىل ايتادى.
ادامداردى قۇتقارۋ ءۇشىن ءوز ءومىرىن قيعان تج قىزمەتكەرلەرىنىڭ ەرلىگى ەرەن. 1991-2021 جىلدارى ارالىعىندا قىزمەتتىك مىندەتتەرىن ورىنداۋ كەزىندە ازاماتتىق قورعاۋ ورگاندارىنىڭ 53 قىزمەتكەرى قايتىس بولدى.
«ادىرنا» ۇلتتىق پورتالى
