ەندى قازاقشا قاتە جازىلسا، زاڭمەن قۋدالانادى

1205

قازاق تىلىندە قاتە جازىلعان جارنامالار زاڭمەن قۋدالانادى. بۇل تۋرالى ءماجىلىس دەپۋتاتى بەرىك ابدىعالي ءوزىنىڭ پاراقشاسىندا جازدى دەپ حابارلايدى «ادىرنا» ۇلتتىق پورتالى.

«بۇگىن ماجىلىستە ءبىرىنشى وقىلىمدا كورنەكى اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى قابىلداندى. زاڭ جوباسىن دايىنداۋ جۇمىس توبىنىڭ جەتەكشىسى رەتىندە ونىڭ جۇمىسى تۋرالى قىسقاشا حاباردار ەتۋگە رۇقسات ەتىڭىزدەر.

جۇمىس توبىنىڭ 4 وتىرىسى ءوتتى. وندا قازاق تىلىندە ساۋاتتى جازۋدى تالاپ ەتىپ، مەملەكەتتىك ءتىلدىڭ قولدانىس اياسىن كەڭەيتەتىن 40-تان اسا تۇزەتۋ ۇسىندىق.

وكىنىشكە قاراي، ءالى دە كوشەلەردەگى قازاق تىلىندە قاتە جازىلعان اقپاراتتان قۇتىلا الماي كەلەمىز. سوندىقتان زاڭ جوباسىندا قوعامداعى كوتەرىلىپ جۇرگەن سىرتقى جارنامالار مەن ماڭدايشالارداعى، باسقا دا كورنەكى اقپاراتتارداعى قازاق ءتىلىنىڭ ساۋاتتى جازىلۋى جانە ماتىندەردىڭ تۇپنۇسقالى اۋدارماسى بويىنشا قوسىمشا تالاپتاردى بەلگىلەۋ كوزدەلگەن. بۇل كاسىپكەرلەردىڭ جانە ءاربىر ازاماتتىڭ جاۋاپكەرشىلىگىن كۇشەيتۋگە مۇمكىندىك بەرەدى دەپ سانايمىز. جۇمىس جالعاسىپ جاتىر» دەپ جازدى ب.ابدىعالي.

پىكىرلەر
رەداكتسيا تاڭداۋى