2021 جىلى ازاماتتارى قازاقستانعا ۆيزاسىز كىرە الاتىن ەلدەردىڭ ءتىزىمىن 90-عا دەيىن كوبەيتۋ جوسپارلانىپ وتىر. بۇل تۋرالى مادەنيەت جانە سپورت ءمينيسترىڭ ورىنباسارى عابيدۋللا ءابدىراحىموۆ ايتتى، - دەپ حابارلايدى «ادىرنا» ءتىلشىسى Kaz.tengritravel.kz-كە سىلتەمە جاساپ.
سونىمەن قاتار، ول ۆەدومستۆو اينالىسىپ جاتقان تاعى بىرنەشە جوبالار جايىندا ايتتى. ءبىرىنشى - شەتەلدىكتەر ءۇشىن ۆيزاسىز كىرۋ (بۇل ەلەكتروندى ۆيزانى الۋ پروتسەسىن جەڭىلدەتۋ ءۇشىن قاجەت). ەكىنشىسى E-Qonaq جۇيەسىمەن بايلانىستى جوبا، سونىڭ ارقاسىندا شەتەلدىكتەرگە تىركەلۋ ءۇشىن اۋىر پروتسەستەن ءوتۋدىڭ قاجەتى جوق.
"سونداي-اق، ءبىز قازىردىڭ وزىندە پيلوتتىق رەجيمدە 160 قوناقۇيدە جۇيەنى ەنگىزۋدى اياقتادىق. وسى جۇيەنىڭ ارقاسىندا كەز كەلگەن شەتەلدىك تۋريست بولەك تىركەلۋدىڭ قاجەتى جوق. شەتەلدىك ازامات قوناقۇيگە كىرگەن كەزدە اۆتوماتتى تۇردە ءوتىپ قويادى", - دەدى سپيكەر مادەنيەت جانە سپورت مينيسترلىگىنىڭ القا وتىرىسىندا.
قازىر 105 مەملەكەتتىڭ ازاماتتارى ءۇشىن قازاقستانعا ەلەكتروندى ۆيزالار ەنگىزىلدى.
"30 كۇنگە دەيىنگى مەرزىمگە كەلگەن كەزدە شەتەلدىكتەردى تىركەۋ توقتاتىلدى جانە كوشى-قون كارتوچكالارى دا جويىلدى. شەكاراداعى وتكىزۋ پۋنكتتەرىن جاڭعىرتۋ باستالدى. سونداي-اق، ءبىز شەتەلدىك اۋەكومپانيالاردىڭ ەلىمىزدىڭ 11 قالاسىنا ۇشىپ كەلىپ، جولاۋشىلاردى الىپ كەتۋى ءۇشىن ولاردى ىسكە قوسۋدى باستادىق (Open Sky رەجيمى)", - دەپ ەسكە سالدى ءابدىراحىموۆ.
«ادىرنا» ۇلتتىق پورتالى
