وتە ىقپالدى اتقامىنەرلەردىڭ ارقاسىندا كازگۋ (قازۇۋ) قالاشىعىنا ءتيىستى جەرلەردىڭ تالان-تاراجعا ءتۇسىپ جاتقانىن قايتا-قايتا جازعانىمىزعا ەكىنشى اي... كۇنىگە جازامىز. قايتا-قايتا جازامىز...
پرەزيدەنتتىڭ اتىنا دا حات جازدىق (الەۋمەتتىك جەلىدە). ء“ال-ءفارابيدىڭ ەسىمى بەرىلگەن قازۇۋ-عا ءتيىستى جەرلەردى ءوز قالپىندا ساقتاپ، الماتىنى سەرۋەندەۋگە ىڭعايلى ساياجايلار مەن سكۆەرلەردىڭ قالاسىنا اينالدىرۋىمىز - ءال-فارابي بابامىزدىڭ 1150 جىلدىعىنا جاساعان ەڭ كەرەمەت سىيلىعىمىز بولار ەدى” دەپ تە جازدىق...
“سۋلپاك” دۇكەنىنىڭ ماڭىندا ءوسىپ تۇرعان 13 اعاش كەسىلگەندە قاتتى “وترەاگيروۆات” ەتكەن (سلىشاششي) پرەزيدەنت توقاەۆ، گەكتارلى جەرلەردىڭ اعاشى قىرقىلىپ، ونىڭ ورنىن(د)ا ۋنيۆەرسيتەتكە قاتىسى جوق ۇلكەن قۇرىلىس(تار) باستالىپ جاتسا دا ءلام دەمەدى. ءلام دەر ەمەس.
ءوز باسىم، پرەزيدەنت توقاەۆ بۇل ماسەلەدەن حابارسىز دەگەنگە سەنبەيمىن. ول كىسى ءبارىن قاداعالاپ وتىراتىنى ايدان انىق.
كازگۋ (قازۇۋ) قالاشىعىنا ءتيىستى جەرلەردى ساتقان دوكەيلەر مەن ونى ساتىپ العان الپاۋىتتاردان قاسىم-جومارت كەمەلۇلى ازداپ قايمىعادى دەگەن دە بوس ءسوز. ول كىسى باتىل ادام. ەشكىمنەن قورىقپايدى، ەشكىمگە جالتاقتامايدى (پوچتي).
وندا نەگە ءۇن قاتپايدى دەيسىز بە؟ كىم بىلەدى، جازىلعان جايتتى دۇرىس تۇسىنبەي وتىرعان شىعار؟ جارايدى، بۇگىن (وندا) اعىلشىن تىلىندە حات جاريالاپ كورەيىن. قازاقشادان گورى اعىلشىنشاعا جۇيرىك پرەزيدەنتىمىز وسى جولى ءۇنسىز قالماس بالكىم. كۇتىڭىزدەر.
