Óte yqpaldy atqaminerlerdiń arqasynda KazGý (QazUÝ) qalashyǵyna tıisti jerlerdiń talan-tarajǵa túsip jatqanyn qaıta-qaıta jazǵanymyzǵa ekinshi aı... Kúnige jazamyz. Qaıta-qaıta jazamyz...
Prezıdenttiń atyna da hat jazdyq (áleýmettik jelide). “Ál-Farabıdiń esimi berilgen QazUÝ-ǵa tıisti jerlerdi óz qalpynda saqtap, Almatyny serýendeýge yńǵaıly saıajaılar men skverlerdiń qalasyna aınaldyrýymyz - ál-Farabı babamyzdyń 1150 jyldyǵyna jasaǵan eń keremet syılyǵymyz bolar edi” dep te jazdyq...
“Sýlpak” dúkeniniń mańynda ósip turǵan 13 aǵash kesilgende qatty “otreagırovat” etken (slyshaıı) prezıdent Toqaev, gektarly jerlerdiń aǵashy qyrqylyp, onyń ornyn(d)a ýnıversıtetke qatysy joq úlken qurylys(tar) bastalyp jatsa da lám demedi. Lám der emes.
Óz basym, prezıdent Toqaev bul máseleden habarsyz degenge senbeımin. Ol kisi bárin qadaǵalap otyratyny aıdan anyq.
KazGý (QazUÝ) qalashyǵyna tıisti jerlerdi satqan dókeıler men ony satyp alǵan alpaýyttardan Qasym-Jomart Kemeluly azdap qaımyǵady degen de bos sóz. Ol kisi batyl adam. Eshkimnen qoryqpaıdy, eshkimge jaltaqtamaıdy (pochtı).
Onda nege ún qatpaıdy deısiz be? Kim biledi, jazylǵan jaıtty durys túsinbeı otyrǵan shyǵar? Jaraıdy, búgin (onda) aǵylshyn tilinde hat jarııalap kóreıin. Qazaqshadan góri aǵylshynshaǵa júırik prezıdentimiz osy joly únsiz qalmas bálkim. Kútińizder.
