قاسىم-جومارت توقاەۆ بولگاريا حالقىنا قۇتتىقتاۋ جەدەلحاتىن جولدادى، دەپ حابارلايدى "ادىرنا" ءتىلشىسى اقورداعا سىلتەپ.
پرەزيدەنت بولگاريا باسشىسى رۋمەن رادەۆتى ازات ەتۋ كۇنىمەن قۇتتىقتادى.
"بۇگىندە بولگاريا ەۋروپا وداعىنىڭ بەلسەندى مۇشەسى رەتىندە ءوزىنىڭ تۇراقتى دامۋ جانە حالىقارالىق قاۋىمداستىقتاعى بەدەلىن ارتتىرۋ جولىندا ەلەۋلى جەتىستىكتەرگە قول جەتكىزىپ كەلەدى. وسى تۇستا ءسىزدىڭ كوشباسشىلىعىڭىزبەن ەلىڭىز بيىك ماقسات-مۇراتتارعا جەتە بەرۋىنە تىلەكتەسپىن. استانا مەن سوفيا اراسىنداعى ءداستۇرلى دوستىق پەن ءوزارا قولداۋعا نەگىزدەلگەن ىنتىماقتاستىقتىڭ اياسى جىلدان-جىلعا كەڭەيىپ كەلە جاتقانىن ريزاشىلىقپەن اتاپ وتەمىن. بىرلەسكەن كۇش-جىگەرىمىزدىڭ ارقاسىندا ەلدەرىمىزدىڭ سان قىرلى بايلانىستارى بولاشاقتا ودان ءارى نىعايا تۇسەتىنىنە سەنىمدىمىن", – دەپ جازىلعان جەدەلحاتتا.
بۇل كۇنى بولگاريا وسمانلى قامىتىنان بوساتىلعان كۇنى ەلدى مەكەندەردىڭ كوشەلەرىنە ءوز وتكەنىنەن باس تارتقىسى كەلمەيتىن ادامداردىڭ ەداۋىر بولىگى شىعادى. ولار ورىس جانە بولگار جالاۋلارىن كوتەرىپ، شام جاعىپ، ەسكەرتكىشتەرگە گۇل شوقتارىن قويىپ، تىزە بۇگەدى.
