مەملەكەت باسشىسى قاسىم-جومارت توقاەۆ جامبىل وبلىسى وتار اۋىلىنداعى اسكەري بولىمدە مەرزىمدى قىزمەتىن وتەپ جاتقان ساربازدىڭ كوماعا تۇسۋىنە قاتىستى اناسىنىڭ الەۋمەتتىك جەلىلەردە جاريالاعان ۇندەۋىمەن تانىسىپ، كىنالى ادامداردى جازالاۋدى تالاپ ەتتى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي مالىمدەدى، دەپ حابارلايدى “ادىرنا” ۇلتتىق پورتالى.
«مەملەكەت باسشىسى بولعان وقيعانىڭ ءمان-جايىن مۇقيات زەرتتەپ، كىنالى ادامداردى جازالاۋدى تالاپ ەتتى. پرەزيدەنت قورعانىس مينيسترىنە ارميادا مۇنداي جاعدايعا جول بەرمەۋ قاجەت ەكەنىن ەسكەرتىپ، تەرگەۋ امالدارىن باقىلاۋعا الۋدى تاپسىردى»، - دەپ جازدى ول.
ايتا كەتەيىك، جامبىل وبلىسى قورداي اۋدانى وتار اۋىلىنداعى №30212 اسكەري بولىمىندە وتان الدىنداعى بورىشىن وتەۋگە بارعان 19 جاستاعى سارباز نۇرجىگىت ءابدىلپاتتانىڭ جانساقتاۋ بولىمىندە جاتقانىن العاش بولىپ “ادىرنا” ۇلتتىق پورتالىنا ساربازدىڭ اناسى مالىمدەگەن ەدى.
اناسىنىڭ ايتۋىنشا، ۇلىنىڭ كىشى سەرجانت ۇرعان بولۋى مۇمكىن. ال اسكەريلەر نۇرجىگىتكە «ەشكىم تيىسپەگەنىن» ايتقان. كەيىن نۇرجىگىتتىڭ اكەسى ۆيدەو جاريالاپ، ءمان-جايدى تۇسىندىرگەن بولاتىن.
