باسپاناعا قول جەتكىزە الماي وتىرعان حالىققا بۇل تاعى دا جايسىز تيەتىن بولدى. قازاقستاندا تۇرعىن ءۇي باعاسى قىمباتتادى. تۇرعىن ءۇي باعاسىنىڭ قىمباتتاۋىنىڭ بىرنەشە سەبەپتەرى بار. ونىڭ ەڭ باستىسى مىنالار:
- قازاقستانعا قىتاي مەن رەسەيدەن جەكىزىلەتىن قۇرىلىس ماتەريالدارىنىڭ باعاسى ارتتى. ونىڭ ىشىندە ەسىكتەردىڭ باعاسى 30 %، كابەلدەردىڭ باعاسى 25%، باسقا دا قۇرىلىس ماتەريالدارىنىڭ باعاسى 14-15% ارتىپ كەتتى. قۇرىلىس سالاسىنداعى وتاندىق كومپانيالار اتالعان ونىمدەردىڭ ەشبىرى دە قازاقستاندا وندىرىلمەيدى، سوندىقتان دا جەتكىزۋى بار، ساتىپ الۋى بار، مۇنىڭ بارلىعى قىمباتقا تۇسەدى. ءۇيدىڭ باعاسىنىڭ ارتۋىنا بۇل دا سەبەپشى بولدى دەپ تۇسىندىرەدى.
- قر زەينەتاقى قورىنداعى اقشانىڭ حالىققا تاراتىلۋىنان دەپ تۇسىندىرەدى. زەينەتاقى قورىندا جينالعان قاراجاتتى تاراتۋدىڭ سالدارى ءۇيدىڭ دە، باسقا دا سالاداعى قولدانىستاعى زاتتاردىڭ باعاسىنىڭ كوتەرىلىپ كەتۋىنە سەبەپشى بولدى دەيدى.
اتالعان وسى سەبەپتەرگە بايلانىستى تۇرعىن ءۇي باعاسى دا قىمباتتاپ جاتىر.
ال، وتاندىق قۇرىلىس كومپانياسى ORDA Invest ء–تىڭ توراعاسى شالحار تاليپوۆ تا قۇرىلىس باعاسىنىڭ ارتقانىن راستاپ وتىر. بىراق، ونىڭ ايتۋىنشا بۇل جاعدايدىڭ ءتيىمدى جاقتارى دا بار ەكەن.
"قۇرىلىس ماتەريالدارىنىڭ باعاسىنىڭ ارتقانى وتاندىق قۇرىلىس ماتەريالدارىن وندىرۋگە سۇرانىستى ارتتىرىپ، ناتيجەسىندە ءوزىمىزدىڭ وتاندىق قۇرىلىس ماتەريالدارىن شىعارۋ مەن باسەكە نارىعى قالىپتاسادى. قازىر ەلىمىزدە گازوبلوك، كىرپىش شىعارۋ قارقىندى ءجۇرىپ جاتىر" دەيدى، ORDA Invest كومپانياسىنىڭ توراعاسى شالحار تاليپوۆ.
قالاي بولعاندا دا ەل تۇرعىندارىنىڭ ەڭ باستى ماسەلەسى - باسپانا ماسەلەسى بولىپ تۇرعانى راس. قازىرگى كريزيس كەزىندە، باعانىڭ ءوسىپ، جالاقىنىڭ ماردىمسىز، تەڭگەنىڭ ينفلياتسياعا ۇشىراعان ۋاقىتىندا تۇرعىن ءۇي باعاسىنىڭ قىمباتتاپ كەتۋى ءسىز بەن بىزگە جاقسى بولماسى انىق.
بەكبولات قارجان،
«ادىرنا» ۇلتتىق پورتالى
