Bekbolat QARJAN.Qazaqstanda turǵyn úı baǵasy taǵy da qymbattady

3128
Adyrna.kz Telegram

Baspanaǵa qol jetkize almaı otyrǵan halyqqa bul taǵy da jaısyz tıetin boldy. Qazaqstanda turǵyn úı baǵasy qymbattady. Turǵyn úı baǵasynyń qymbattaýynyń birneshe sebepteri bar. Onyń eń bastysy mynalar:

  1. Qazaqstanǵa Qytaı men Reseıden jekiziletin qurylys materıaldarynyń baǵasy artty. Onyń ishinde esikterdiń baǵasy 30 %, kabelderdiń baǵasy  25%, basqa da  qurylys materıaldarynyń baǵasy 14-15% artyp ketti. Qurylys salasyndaǵy otandyq kompanııalar atalǵan ónimderdiń eshbiri de Qazaqstanda óndirilmeıdi, sondyqtan da jetkizýi bar, satyp alýy bar, munyń barlyǵy qymbatqa túsedi. Úıdiń baǵasynyń artýyna bul da sebepshi boldy dep túsindiredi.
  2. QR Zeınetaqy qoryndaǵy aqshanyń halyqqa taratylýynan dep túsindiredi. Zeınetaqy qorynda jınalǵan qarajatty taratýdyń saldary úıdiń de, basqa da saladaǵy qoldanystaǵy zattardyń baǵasynyń kóterilip ketýine sebepshi boldy deıdi.

Atalǵan osy sebepterge baılanysty turǵyn úı baǵasy da qymbattap jatyr.

Al, otandyq qurylys kompanııasy ORDA Invest –tiń tóraǵasy Shalhar Talıpov ta qurylys baǵasynyń artqanyn rastap otyr. Biraq, onyń aıtýynsha bul jaǵdaıdyń tıimdi jaqtary da bar eken.

"Qurylys materıaldarynyń baǵasynyń artqany otandyq qurylys materıaldaryn óndirýge suranysty arttyryp, nátıjesinde ózimizdiń otandyq qurylys materıaldaryn shyǵarý men báseke naryǵy qalyptasady. Qazir elimizde gazoblok, kirpish shyǵarý qarqyndy júrip jatyr" deıdi, ORDA Invest kompanııasynyń tóraǵasy Shalhar Talıpov.

 

Qalaı bolǵanda da el turǵyndarynyń eń basty máselesi - baspana máselesi bolyp turǵany ras. Qazirgi krızıs kezinde, baǵanyń ósip, jalaqynyń mardymsyz, teńgeniń ınflıaııaǵa ushyraǵan ýaqytynda turǵyn úı baǵasynyń qymbattap ketýi siz ben bizge jaqsy bolmasy anyq.

 

Bekbolat QARJAN,

«Adyrna» ulttyq portaly

 

 

 

Pikirler