جاپونيادا قۋاتى 7 باللدان اساتىن جويقىن جەر سىلكىنىسى تىركەلدى. جەراستى دۇمپۋلەرى ەلدىڭ سولتۇستىك-شىعىسىنداعى فۋكۋسيما پرەفەكتۋراسىندا ەڭ قاتتى سەزىلگەن، دەپ حابارلايدى "ادىرنا" ۇلتتىق پورتالى.
جەر استى دۇمپۋلەرى بۇگىن جەرگىلىكتى ۋاقىت بويىنشا 5:30-دا بولعان.
جاپوندىق باق وكىلدەرىنىڭ حابارلاۋىنشا، ءزىلزالانىڭ نەگىزگى وشاعى تىنىق مۇحيتىندا بولعان. وسىعان بايلانىستى جاپونيانىڭ مەتەورولوگيالىق قىزمەتى ەلدە تسۋنامي تۋىنداۋ قاۋپىن جاريالادى. دەگەنمەن، ونىڭ كۇشى جويقىن ەمەس ەكەنىن جەتكىزدى.
قازىر جاپونيانىڭ شۇعىل ارەكەت ەتۋ قىزمەتتەرى ەلدىڭ 10 وڭىرىندە بولعان سىلكىنىستەن قانشا ادامنىڭ زارداپ شەككەنىن، ماتەريالدىق شىعىندار كولەمىن انىقتاپ جاتىر.
«ازىرگە ەلەۋلى زاقىم تۋرالى مالىمەت تۇسكەن جوق. اتومدىق ستانتسيالار زارداپ شەكپەگەن»، - دەپ مالىمدەدى جاپوندىق ۇكىمەتتىڭ باس حاتشىسى.
سۋرەت wikipedia.org
