Sátbaev qalasynda qarshadaı qyz zorlandy dep jappaı tártipsizdik jasaǵandar sot aldynda jaýap bere bastady. Buzaqylyq jasady degen aıyppen 57 adam jaýapkershilikke tartylýda. Al bes jasar qyzdy zorlady degen kúdikpen taǵy eki azamat suralyp jatyr, dep habarlaıdy «Adyrna» tilshisi «KTK» arnasyna silteme jasap.
Tereý málimetinshe, qarshadaı qyzdy páterge 62 jastaǵy úı ıesi kirgizip alǵan. Beıkúná balanyń týystary men kórshileri qyzdy izdeı bastaǵanda, páter ıesi de túk bolmaǵandaı solarmen birge júrgen. Sóıtse ol qorǵansyz qyzǵa dári berip uıyqtatyp tastaǵan. Aqyry kúdik týǵyzǵan páterge eriktiler men polıeıler basyp kirip, qyzdy tósektiń astynan es-tússiz kúıinde tapty. Osydan keıin jınalǵan jurt páter qojaıynyn ózimiz jazalaımyz dep, arty jappaı tártipsizdikke ulasqan.
Kóp ýaqyt ótpeı, kúdikti ótken jyldyń qarasha aıynda tergeý abaqtysynda asylyp óldi. Al onyń qasynda qonaqqa kelgen erli-zaıyptylardyń bolǵany belgili boldy. Endi sotta osy ekeýi jaýap berýde. Al qalanyń astań-kesteńin shyǵaryp buzaqylyq jasaǵandardyń arasynda kámeletke tolmaǵandar da bar eken. Sondyqtan olardyń isin ıývınaldy sot qaraıdy.
«Búgingi kúni atalǵan is boınysha 57 kúdikti ótip jatyr. Olardyń 44-ine bultartpaý sharasy, qamaýda ustaý sharasy qoldanylǵan. Beseýi – úıqamaqta, úsheýi ata-ananyń qaraýyna berilgen, ekeýi eshqaıda ketpeý jóninde qolhat jáne úsh adam izdeýde júrgen. Onyń bireýi anyqtaldy»,-dedi Qaraǵandy oblystyq prokýratýrasynyń basqarma prokýrory Nursultan Qadyrbaı.
«Adyrna» ulttyq portaly
