قازاقستان رەسپۋبليكاسىنىڭ ۇلتتىق بانكى 2021 جىلى 3 ناۋرىزدا 2006 جىلعى ۇلگىدەگى نومينالى 1 000 تەڭگەلىك بانكنوتتاردى ايىرباستاۋ كەزەڭىنىڭ اياقتالاتىنىن مالىمدەدى، دەپ حابارلايدى «ادىرنا» ءتىلشىسى.
«2006 جىلعى ۇلگىدەگى نومينالى 1000 تەڭگەلىك بانكنوتتاردى ايىرباستاۋ 2017 جىلدىڭ 2 ناۋرىزىندا باستالدى، ەندى ول 2021 جىلدىڭ 3 ناۋرىزىنا دەيىن جالعاسادى. كورسەتىلگەن مەرزىمنەن كەيىن ۇلتتىق بانكتىڭ فيليالدارى اتالعان بانكنوتتاردى قابىلداۋ مەن ايىرباستاۋدى توقتاتادى»،-دەلىنگەن حابارلامادا.
بانكنوتتاردى قولدانىستاعى اقشا بەلگىلەرىنە ايىرباستاۋ تەك قانا ۇلتتىق بانكتىڭ فيليالدارىندا جۇزەگە اسىرىلادى.
قوسىمشا سۇراقتار تۋىنداعان جاعدايدا ۇلتتىق بانكتىڭ 1477 ءنومىرى بويىنشا بايلانىس-ورتالىعىنا حابارلاسۋعا بولادى.
«ادىرنا» ۇلتتىق پورتالى
