Qazaqstan Respýblıkasynyń Ulttyq Banki 2021 jyly 3 naýryzda 2006 jylǵy úlgidegi nomınaly 1 000 teńgelik banknottardy aıyrbastaý kezeńiniń aıaqtalatynyn málimdedi, dep habarlaıdy «Adyrna» tilshisi.
«2006 jylǵy úlgidegi nomınaly 1000 teńgelik banknottardy aıyrbastaý 2017 jyldyń 2 naýryzynda bastaldy, endi ol 2021 jyldyń 3 naýryzyna deıin jalǵasady. Kórsetilgen merzimnen keıin Ulttyq Banktiń fılıaldary atalǵan banknottardy qabyldaý men aıyrbastaýdy toqtatady»,-delingen habarlamada.
Banknottardy qoldanystaǵy aqsha belgilerine aıyrbastaý tek qana Ulttyq Banktiń fılıaldarynda júzege asyrylady.
Qosymsha suraqtar týyndaǵan jaǵdaıda Ulttyq Banktiń 1477 nómiri boıynsha Baılanys-ortalyǵyna habarlasýǵa bolady.
«Adyrna» ulttyq portaly
