شىمكەنتتە 9 سىنىپ وقۋشىسى جۇكتى بولىپ قالدى

2114
Adyrna.kz Telegram

شىمكەنتتە 9 سىنىپ وقۋشىسى جۇكتى بولىپ قالعان، دەپ حابارلايدى «ادىرنا» ءتىلشىسى otyrar.kz-كە سىلتەمە جاساپ.

مەكتەپ قابىرعاسىنا ءداستۇرلى فورماتتا ءبىلىم الۋعا كەلگەن ونىڭ اياعى اۋىر ەكەنىن قاتارلاستارى مەن پسيحولوگتار بايقاعان كورىنەدى.

ءبىلىم باسقارماسىنىڭ باسشىسى جانات تاجيەۆا بۇل جاعدايدى راستاپ وتىر. بۇل وقيعا بويىنشا قازىر تەرگەۋ جۇمىستارى ءجۇرىپ جاتىر ەكەن.

«بۇل ماسەلەنى ءوزىمىز جاقسى بىلەمىز. ونى ءبىلىم ۇيىمى انىقتادى. قۇزىرلى ورگاندارعا حابارلاندى. بۇگىنگى كۇنى تەرگەپ-تەكسەرۋ امالدارى جۇرگىزىلۋدە»،-دەدى ول.

ايتا كەتەيىك، شىمكەنتتە وسى ۋاقىتقا دەيىن 20 مەكتەپ 14 كۇندىك كارانتينگە جابىلعان. ونىڭ 10-ى قازىر قايتا قالىپتى جۇمىسىنا ورالعان.

«ادىرنا» ۇلتتىق پورتالى

پىكىرلەر