ءاليا يۋسۋپوۆا باسشىلىق قىزمەتكە تاعايىندالدى

1684
Adyrna.kz Telegram

قازاقستاندىق گيمناست ءاليا يۋسۋپوۆا قازاقستان گيمناستيكا فەدەراتسياسىنىڭ باسشىسى بولىپ سايلاندى، - دەپ حابارلايدى “ادىرنا” ءتىلشىسى Olympic.kz سايتىنا سىلتەمە جاساپ.

سايلاۋ فەدەراتسيانىڭ ەسەپ بەرۋ-سايلاۋ كونفەرەنتسياسى كەزىندە ءوتتى.

"بۇل مەن ءۇشىن جانە كوپتەگەن ادام ءۇشىن كۇتپەگەن جاعداي بولدى دەپ ويلايمىن. مەن ءۇشىن بۇل تاعايىنداۋ - جاڭا مىندەت، جۇمىستاعى جاڭا كەزەڭ، ول قازىر ىستەپ جاتقانىمنان دا قىزىق بولادى. اقتوتى راحمەتوللاقىزى باستاعان مادەنيەت جانە سپورت مينيسترلىگىنە، سونداي-اق ون جىل بويى اتقارعان جۇمىسى ءۇشىن ءۇمىت بولاتحانقىزىنا العىس ايتامىن.

سونداي-اق، مەن باس باپكەر رەتىندە قىزمەتىمدى جالعاستىرامىن، ويتكەنى مەنىڭ جاڭا تاعايىنداۋىم - قوعامدىق لاۋازىم. مەن ەكەۋىن بىرگە الىپ جۇرە الامىن. بارىنىكىندەي مەنىڭ دە ماقساتىم بىرەۋ - سپورتتى دامىتۋ جانە ەلگە ناتيجە بەرۋ. باسىندا وڭاي بولمايتىنىن تۇسىنەمىن، بىراق مەنىڭ تاجىريبەم، ءبىلىمىم مەن كۇش-جىگەرىم، سونداي-اق فەدەراتسيا مۇشەلەرىمەن بىرلەسىپ اتقاراتىن جۇمىسىمىز كوپتەگەن مىندەتتى بارىنشا شەشەدى. ءبىز بىرگە فەدەراتسياعا كىرەتىن ءاربىر سپورت ءتۇرىن دامىتۋ جانە تانىمال ەتۋ ءۇشىن جۇمىس ىستەيمىز", - دەدى يۋسۋپوۆا.

وعان دەيىن بۇل قىزمەتتى ءۇمىت شاياحمەتوۆا اتقارعان ەدى.

ءاليا يۋسۋپوۆا 1984 جىلى 15 مامىردا شىمكەنت قالاسىندا دۇنيەگە كەلگەن. افينادا (2004) جانە بەيجىڭدە (2008) جازعى وليمپيادا ويىندارىنىڭ قاتىسۋشىسى. 2000-2009 جىلدارى قازاقستاننىڭ ابسوليۋت چەمپيونى بولعان. ازيانىڭ بىرنەشە دۇركىن چەمپيونى. 2006 جىلى دوحادا وتكەن ازيا ويىندارىنىڭ جەڭىمپازى جانە 2002 جىلى پۋساندا وتكەن ازيا ويىندارىنىڭ ۆيتسە-چەمپيونى.

پىكىرلەر