Qazaqstandyq gımnast Álııa Iýsýpova Qazaqstan gımnastıka federaııasynyń basshysy bolyp saılandy, - dep habarlaıdy “Adyrna” tilshisi Olympic.kz saıtyna silteme jasap.
Saılaý federaııanyń esep berý-saılaý konferenııasy kezinde ótti.
"Bul men úshin jáne kóptegen adam úshin kútpegen jaǵdaı boldy dep oılaımyn. Men úshin bul taǵaıyndaý - jańa mindet, jumystaǵy jańa kezeń, ol qazir istep jatqanymnan da qyzyq bolady. Aqtoty Rahmetollaqyzy bastaǵan Mádenıet jáne sport mınıstrligine, sondaı-aq on jyl boıy atqarǵan jumysy úshin Úmit Bolathanqyzyna alǵys aıtamyn.
Sondaı-aq, men bas bapker retinde qyzmetimdi jalǵastyramyn, óıtkeni meniń jańa taǵaıyndaýym - qoǵamdyq laýazym. Men ekeýin birge alyp júre alamyn. Bárinikindeı meniń de maqsatym bireý - sportty damytý jáne elge nátıje berý. Basynda ońaı bolmaıtynyn túsinemin, biraq meniń tájirıbem, bilimim men kúsh-jigerim, sondaı-aq federaııa múshelerimen birlesip atqaratyn jumysymyz kóptegen mindetti barynsha sheshedi. Biz birge federaııaǵa kiretin árbir sport túrin damytý jáne tanymal etý úshin jumys isteımiz", - dedi Iýsýpova.
Oǵan deıin bul qyzmetti Úmit Shaıahmetova atqarǵan edi.
Álııa Iýsýpova 1984 jyly 15 mamyrda Shymkent qalasynda dúnıege kelgen. Afınada (2004) jáne Beıjińde (2008) jazǵy Olımpıada oıyndarynyń qatysýshysy. 2000-2009 jyldary Qazaqstannyń absolıýt chempıony bolǵan. Azııanyń birneshe dúrkin chempıony. 2006 jyly Dohada ótken Azııa oıyndarynyń jeńimpazy jáne 2002 jyly Pýsanda ótken Azııa oıyndarynyń vıe-chempıony.
