Äliia Iýsupova basşylyq qyzmetke taǧaiyndaldy

Qazaqstandyq gimnast Äliia Iýsupova Qazaqstan gimnastika federasiiasynyŋ basşysy bolyp sailandy, - dep habarlaidy “Adyrna” tılşısı Olympic.kz saityna sılteme jasap. Sailau federasiianyŋ esep beru-sailau konferensiiasy kezınde öttı. "Būl men üşın jäne köptegen adam üşın kütpegen jaǧdai boldy dep oilaimyn. Men üşın būl taǧaiyndau - jaŋa mındet, jūmystaǧy jaŋa kezeŋ, ol qazır ıstep jatqanymnan da qyzyq bolady. Aqtoty Rahmetollaqyzy bastaǧan Mädeniet jäne sport ministrlıgıne, sondai-aq on jyl boiy atqarǧan jūmysy üşın Ümıt Bolathanqyzyna alǧys aitamyn. Sondai-aq, men bas bapker retınde qyzmetımdı jalǧastyramyn, öitkenı menıŋ jaŋa taǧaiyndauym - qoǧamdyq lauazym. Men ekeuın bırge alyp jüre alamyn. Bärınıkındei menıŋ de maqsatym bıreu - sportty damytu jäne elge nätije beru. Basynda oŋai bolmaitynyn tüsınemın, bıraq menıŋ täjıribem, bılımım men küş-jıgerım, sondai-aq federasiia müşelerımen bırlesıp atqaratyn jūmysymyz köptegen mındettı barynşa şeşedı. Bız bırge federasiiaǧa kıretın ärbır sport türın damytu jäne tanymal etu üşın jūmys ısteimız", - dedı Iýsupova. Oǧan deiın būl qyzmettı Ümıt Şaiahmetova atqarǧan edı. Äliia Iýsupova 1984 jyly 15 mamyrda Şymkent qalasynda düniege kelgen. Afinada (2004) jäne Beijıŋde (2008) jazǧy Olimpiada oiyndarynyŋ qatysuşysy. 2000-2009 jyldary Qazaqstannyŋ absoliut chempiony bolǧan. Aziianyŋ bırneşe dürkın chempiony. 2006 jyly Dohada ötken Aziia oiyndarynyŋ jeŋımpazy jäne 2002 jyly Pusanda ötken Aziia oiyndarynyŋ vise-chempiony.